বাইকসহ পুখুৰীত পৰি মৃত্যু ঘটিল এজন যুৱকৰ

দৰঙত বাইকসহ পুখুৰীত পৰি এজন যুৱকৰ কৰুণ মৃত্যু ৷ দৰঙৰ দেওমৰনৈ চকত সংঘটিত হয় এই অঘটন ৷ নিয়ন্ত্ৰণ হেৰুৱাই বাইকসহ পুখুৰীত পৰাৰ ফলতেই মৃত্যু ঘটে দুৰ্ভগীয়া যুৱকজনৰ ৷ মৃত যুৱকজন দেওমৰনৈ খাৰখোৱাপাৰাৰ অজিত ডেকা (30) বুলি চিনাক্ত কৰা হৈছে ৷

দৰং, 12 চেপ্তেম্বৰ:বাইকসহ পুখুৰীত পৰি কৰুণ মৃত্যুক সাৱটিলে দৰঙৰ এজন যুৱকে ৷ দৰঙৰ দেওমৰনৈ চকত থকা পুখুৰীত এই ঘটনা সংঘটিত হয় ৷ নিয়ন্ত্ৰণ হেৰুৱাই পুখুৰীত পৰাৰ ফলতে এই অঘটন সংঘটিত হোৱা বুলি স্থানীয় ৰাইজে সন্দেহ প্ৰকাশ কৰিছে ৷ মৃত যুৱকজন দেওমৰনৈ খাৰখোৱাপাৰাৰ অজিত ডেকা (30) বুলি জানিব পৰা গৈছে ৷

জানিব পৰা মতে ব্যক্তিগত কাৰণত নিশা প্ৰায় 9:30 মান বজাত যুৱকজন ঘৰৰ পৰা ওলাই আহিছিল ৷ আজি পুৱা স্থানীয় ৰাইজে বাইকসহ যুৱকজনক পুখুৰীটোত পৰি থকা অৱস্থাত প্ৰত্যক্ষ কৰে ৷ ঘটনাৰ বিষয়ে অৱগত হৈ ঘটনাস্থলীত পাথৰিঘাট থানাৰ ভাৰপ্ৰাপ্ত আৰক্ষী বিষয়া মহেন্দ্ৰ শৰ্মাৰ নেতৃত্বত আৰক্ষীৰ দল উপস্থিত হৈ পুখুৰীৰ পৰা বাইক আৰু মৃত যুৱকজনক উদ্ধাৰ কৰে ৷ উদ্ধাৰ কৰাযুৱকজনৰ মৃতদেহমৰণোত্তৰ পৰীক্ষাৰ বাবে মঙলদৈ অসামৰিক চিকিৎসালয়লৈ প্ৰেৰণৰ ব্য়ৱস্থা কৰা হয় ৷ ঘটনা সন্দৰ্ভত আৰক্ষীয়ে আৰম্ভ কৰিছে তদন্ত ৷

লগতে পঢ়ক : কৰ’ণা হট্ স্পট হ’ব পাৰে মঙলদৈ মহকুমা বিষয়াৰ কাৰ্যালয়