সন্ধিয়া 5 বজাৰ শীৰ্ষ দহটা বাতৰি

সন্ধিয়া 5 বজাৰ শীৰ্ষ দহটা বাতৰি

বিপিএফ প্ৰধান হাগ্ৰামা মহিলাৰী বড়োভূমিৰ প্ৰশাসনৰ দায়িত্বত থকা সময়ত ৰাজ্য চৰকাৰৰ অধীনস্থ ৩৯ টা বিভাগ বি টি আৰক অৰ্পণ কৰা হৈছিল । কিন্তু ইয়াৰ বিপৰীতে প্ৰমোদ বড়ো(BTC Chief Pramod Boro) নেতৃত্বাধীন ইউ পি পি এলে বড়োভূমিৰ প্ৰশাসন চলাবলৈ হাতত পাইছে মাত্ৰ ১৬ টা বিভাগহে ।

অসম প্ৰদেশ কংগ্ৰেছৰ নতুন কমিটী(new committee of assam pradesh congress) গঠনক লৈ প্ৰতিক্ৰিয়া প্ৰকাশ কৰিছে প্ৰদেশ কংগ্ৰেছৰ সভাপতি ভূপেন বৰাই(bhupen kumar borah) ৷ এক টেলিফোনিক বাৰ্তালাপত তেওঁ কয়, 'আচলতে উপ-নিৰ্বাচনৰ বাবেই নতুন সমিতিখন গঠনত কিছু পলম হৈছে । ইতিমধ্যে মই নতুন সমিতিৰ তালিকা দলৰ ৰাষ্ট্ৰীয় নেতৃত্বৰ হাতত অৰ্পণ কৰিছোঁ ।'

হোজাইত এইবাৰ অসম আৰক্ষীৰ এনকাউন্টাৰ । আৰক্ষীৰ জিম্মাৰ পৰা পলায়ন কৰিবলৈ চেষ্টা কৰোতে ভূ-মাফিয়া আৰু বাইক চোৰ গুলীবিদ্ধ । নগাঁও অসামৰিক চিকিৎসালয়ত চিকিৎসাধীন গুলীবিদ্ধ অপৰাধী কেইজন ।

জনজাতিকৰণৰ দাবী(ST status demand)ত পুনৰ প্ৰতিবাদমুখৰ সদৌ তাই আহোম ছাত্র সন্থা(All Tai Ahom Students Union) । ছয় জনগোষ্ঠীৰ জনজাতিকৰণৰ দাবীৰে শিৱসাগৰৰ আমগুৰি চাৰিআলিত উত্তাল প্ৰতিবাদ সাব্যস্ত কৰে আটাছুৱে ৷ আটাছুৰ শিৱসাগৰ জিলা সমিতি উদ্যোগত ৰূপায়ন কৰা অৱস্থান ধৰ্মঘট কাৰ্যসূচীত শতাধিক ছাত্ৰ নেতা-কৰ্মীয়ে অংশগ্ৰহণ কৰে ৷ আমগুৰি ৰাজহচক্ৰ বিষয়াৰ যোগেৰে মুখ্যমন্ত্ৰীলৈ জনজাতিকৰণৰ দাবী সম্বলিত স্মাৰক পত্ৰ প্ৰেৰণ কৰে আটাছুৱে ।

মুখ্যমন্ত্ৰীয়ে ঘোষণা কৰিলে নতুন নিয়ম ৷ কথা মতেই কাম কৰিলে আৰক্ষী বিভাগে ৷ স্মাৰ্ট পুলিচিং(smart policing) ক্ষেত্ৰত দেশৰ ভিতৰতে তৃতীয় স্থান লাভ কৰা অসম আৰক্ষীয়েনো এইবাৰ কি নতুন চমক দিলে জানো আঁহক ৷

মুখ্যমন্ত্ৰী ড৹ হিমন্ত বিশ্ব শৰ্মাই ৰাজ্যৰ বনাঞ্চলসমূহ বেদখল মুক্ত কৰাৰ বাবে তৎপৰতা আৰম্ভ কৰা পৰিলক্ষিত হৈছে । ইতিমধ্যে ৰাজ্যৰ বহু অঞ্চলতে চলিছে প্ৰশাসনৰ বুলড’জাৰ ৷ এইবাৰ প্ৰশাসনৰ উচ্ছেদ সন্দৰ্ভত নিজৰ প্ৰতিক্ৰিয়া প্ৰকাশ কৰিছে মন্ত্ৰী যোগেন মহনে ৷

শুকুৰবাৰে চৰাইদেউ জিলাৰ চৰাইদেউ মৈদাম ক্ষেত্ৰত (Charaideu Maidam) বিশ্ব ঐতিহ্য সপ্তাহ(Charaideu World Heritage Week)ৰ সপ্তাহযোৰা কাৰ্যসূচী উপলক্ষে অনুষ্ঠিত হয় এক উদ্ধোধনী অনুষ্ঠানৰ ৷ অনুষ্ঠানত মন্ত্ৰী যোগেন মহন উপস্থিত থাকি চৰাইদেউবাসীক দিলে বিশ্ব ঐতিহ্য ক্ষেত্ৰৰ তালিকাত চৰাইদেউ মৈদামৰ নাম অন্তৰ্ভুক্ত হোৱাৰ সম্ভাৱনাৰ খবৰ ৷

শ্বহীদ সুমন স্বৰ্গীয়াৰী(Martyr Suman Swargiary)ৰ ঘৰত উপস্থিত বিটিআৰ প্ৰধান প্ৰমোদ বড়ো(BTR Chief Pramod Bodo) ৷ শ্বহীদগৰাকীৰ পৰিয়ালৰ অৱস্থাৰ বুজ ল’বলৈ শনিবাৰে থৈকাৰাকুছিত উপস্থিত হয় বিটিআৰ প্ৰধানগৰাকী ৷ বড়োক সংগ দিয়ে বিটিআৰৰ অধ্যক্ষ কাতিৰাম বড়োৱে(Speaker of BTC Katiram Bodo at thaikarakuchi) ৷

প্ৰদেশ কংগ্ৰেছৰ নেতৃত্বই দলৰ জ্যেষ্ঠ-প্ৰবীণ নেতাসকলক গুৰুত্ব নিদিয়া, এলাগী কৰা, লবীকেন্দ্ৰীক ৰাজনীতিত ব্যস্ত থাকি দলটোক বিপর্যয়ৰ মুখলৈ ঠেলি দিয়াৰ অভিযোগ । আজমলৰে মিত্ৰতা ভংগৰ পাচতেই একাংশ কংগ্ৰেছীৰ হাইকমাণ্ডকৈ পত্ৰ । আগন্তুক লোকসভা নিৰ্বাচনত আজমলৰে একেলগে যুঁজাটো বিচাৰিছে গৰিষ্ঠসংখ্যক সংখ্যালঘু কংগ্ৰেছীয়ে ।

গুৱাহাটী মহানগৰীত বিশেষকৈ মাৰ্চ, এপ্ৰিল আৰু মে’ মাহত খোৱাপানীৰ যথেষ্ট হাহাকাৰ অৱস্থাৰ সৃষ্টি হয় । মহানগৰীৰ চৰকাৰী পানী যোগান ব্যৱস্থা(Pure Drinking Water Scheme)ই এতিয়াও গুৱাহাটীৰ আধাতকৈও অধিক মানুহক খোৱাপানী যোগান ধৰিব পৰা নাই ।