11 বজাৰ শীৰ্ষ দহটা বাতৰি

11 বজাৰ শীৰ্ষ দহটা বাতৰি

দেশত ধাৰাবহিকভাৱে অন্ধ্ৰ প্ৰদেশ, হাৰিয়ানা আৰু কলকাতাৰ তিনিটাকৈ কাৰখানাত বিষাক্ত গেছ নিৰ্গত হোৱাৰ ভয়ংকৰ ঘটনা সংঘটিত হৈছে (Kolkata gas leak incident at factory)৷ বুধবাৰে কলকাতাৰ সমীপৰ খাৰদাহস্থিত এটা কাৰখানাত বিষাক্ত গেছ নিৰ্গত হৈ দুজন শ্ৰমিকৰ মৃত্যু হোৱাৰ বিপৰীতে এজন শ্ৰমিক গুৰুতৰভাৱে আহত হয় (2 killed in gas leak)৷

হাৰিয়ানাৰ বাহাদুৰগড়ৰ এৰোফ্লেছ চিলিং মেটেৰিয়েল মেনুফেক্সাৰিং নামৰ এটা কাৰখানাত শ্ৰমিকসকলে টেংক পৰিস্কাৰ কৰি থকা অৱস্থাত বিষাক্ত মিথেন গেছ নিৰ্গত হয় (Methane gas leak in Bahadurgarh’s factory)৷ এই ঘটনাত চিকিৎসালয়তে 4 জন শ্ৰমিক থিতাতে নিহত হোৱাৰ বিপৰীতে দুজন শ্ৰমিক গুৰুতৰভাৱে আহত হয় (4 laborers death and 2 in critical condition)৷

যোৱা ২৮ জুলাইত ছীল কৰা মৈৰাবাৰীৰ জমিউল হুদা মাদ্ৰাছাত প্ৰশাসনে পুৱাই উচ্ছেদ চলায় (Morigaon administration eviction in Madrasa)। জেহাদীৰ সৈতে সম্পৰ্ক থকাৰ অভিযোগত মাদ্ৰাছাখন বন্ধ কৰি দিছিল প্ৰশাসনে । কটকটীয়া নিৰাপত্তা বেষ্টনীৰ মাজত প্ৰশাসনে ভাঙি দিয়ে মাদ্ৰাছাখন ।

বুধবাৰে দিল্লীত এগৰাকী 31 বছৰীয়া মহিলাৰ শৰীৰত মাংকিপক্সৰ অৱস্থিতি ধৰা পৰে (A woman tested positive for Monkeypox)৷ মাংকিপক্সত আক্ৰান্ত হোৱা এইগৰাকী ভাৰতৰ প্ৰথম মহিলা ৰোগী ৷ ইয়াৰ পিছতে দেশখনত মাংকিপক্সত আক্ৰান্তৰ সংখ্যা বৃদ্ধি পাই হৈছেগৈ 9 গৰাকী (India has reported 9 monkeypox cases)।

গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰত আটক পশ্চিমবংগ আৰক্ষীৰ অপৰাধ অনুসন্ধান শাখাৰ(চি আই ডি) চাৰিজনীয়া এটা দল ৷ অসম আৰক্ষীয়ে আটক কৰে চি আই ডিৰ দলটোক । বিমান বন্দৰত চি চি টি ভি ফুটেজৰ কপি সংগ্ৰহ কৰিবলৈ আহিছিল দলটো ৷

মঙলবাৰে বপেটাৰোডৰ সমীপৰ বালাৰভিঠাত লটাৰী আৰু তীৰ খেলৰ বিৰুদ্ধে অভিযান চলাই বৰপেটাৰোড আৰক্ষীয়ে নগদ ধনসহ লটাৰী খেলৰ লগত জড়িত পাঁচজন লোকক আটক কৰে (Five traders arrested in Barpeta Road) ৷ আটকাধীন লোককেইজন ক্ৰমে, বৰ্মনপাৰাৰ কৃষ্ণ বৰ্মন, হৰটকীতলাৰ গৌৰাঙ্গ সাহা আৰু সুকুমাৰ সাহা আৰু বালাভিঠাৰ নায়েব আলী আৰু হানিফ আলী বুলি আৰক্ষীয়ে জানিবলৈ দিয়ে ।

'আজাদী কা অমৃত মহোৎসৱ'(Azadi Ka Amrit Mahotsav)ৰ লগত সঙ্গতি ৰাখি দেশত 'ঘৰে-ঘৰে ত্ৰিৰংগা’ অভিযান অসমতো তীব্ৰতৰ হৈছে (Har Ghar Tiranga Programme in Assam) । জিলাই জিলাই দেখা গৈছে মহিলাসকলৰ মাজত ব্যাপক উৎসাহ । ইয়াৰ মাজতে পোহৰলৈ আন এক খবৰ । অসমত পতাকাৰ অভাৱ দূৰ কৰিবলৈ বহিঃৰাজ্যৰ পৰা আমদানি কৰা হৈছে ৰাষ্ট্ৰীয় পতাকা ।

বাৰ্মিংহামত অনুষ্ঠিত হৈ থকা কমনৱেল্থ গেমছত অসমৰ প্ৰথমটো পদক নিশ্চিত কৰি 2 আগষ্টত ইতিহাস ৰঁচিলে অসম কন্যা নয়নমণি শইকীয়াই (Commonwealth Games 2022) ৷ লনবলছ প্ৰতিযোগিতাত দক্ষিণ আফ্ৰিকাক পৰাস্ত কৰি স্বৰ্ণ পদক জয় কৰিছিল ভাৰতীয় মহিলা দলটোৱে (India women lawn bowls team at CWG) ৷ এই দলটোত আছিল অসমৰ গোলাঘাট জিলাৰ সৰুপথাৰৰ জীয়ৰী নয়নমণি (Assam girl Nayanmoni Saikia won gold in CWG 22) ৷

উত্তৰ পূৰ্বাঞ্চলৰ পৰা 'কা' বাতিলৰ দাবীত 17 আগষ্টত উত্তৰ পূৰ্বাঞ্চলত আন্দোলন ঘোষণা নেছ'ৰ(Neso to hold protest against CAA on August 17) । অসম তথা উত্তৰ পূৰ্বাঞ্চলৰ পৰা অবৈধ বাংলাদেশী নাগৰিক, বাংলাদেশী মৌলবাদীক শিপাৰ সৈতে নিচিহ্ন কৰা আৰু অসম-বাংলাদেশ সীমান্ত সম্পূৰ্ণ চীল কৰাৰ বাবে কেন্দ্ৰ আৰু ৰাজ্য চৰকাৰক দাবী নেছ'ৰ উপদেষ্টা ড° সমুজ্জ্বল কুমাৰ ভট্টাচাৰ্যৰ । ইয়াৰ লগতে ত্ৰিপুৰাৰ খিলঞ্জীয়া লোকক সাংবিধানিক ৰক্ষাকৱচ দিয়াৰ বাবে কেন্দ্ৰীয় চৰকাৰক দাবী জনায় নেছ'ৰ উপদেষ্টাগৰাকীয়ে ।

ঝাৰখণ্ডৰ বিধায়কে দাখিল কৰা এজাহাৰক কেন্দ্ৰ কৰি ৰাজ্যৰ ৰাজনীতিত ব্যাপক প্ৰতিক্ৰিয়া । মন্ত্ৰী পীযূষ হাজৰিকাই সমস্ত ঘটনাটো নসাৎ কৰিলেও বিৰোধী দলসমূহ শান্ত হোৱা নাই । ঘটনাটোক লৈ বিৰোধী শিবিৰে প্ৰতিক্ৰিয়া প্ৰকাশ কৰিছে যদিও সেইধৰণে ইছ্যু কৰিব পৰা নাই ।