উন্নয়নৰ নগ্ন স্বৰূপঃ বিপদজ্জনকভাৱে বাঁহৰ সাঁকোৰে আহ-যাহ শিক্ষাৰ্থীৰ

এইখন অসমতে আছে এখন ঠাই য'ত বাঁহৰ সাঁকোৰে বিদ্যালয়লৈ আহ-যাহ কৰে শিক্ষাৰ্থীয়ে ৷ চাওক এই প্ৰতিবেদন ৷

দলগাঁও, 27 জুনঃ ব্ৰহ্মপুত্ৰৰ উত্তৰ পাৰে থকা দৰঙ জিলাৰ একমাত্ৰ সমষ্টি দলগাঁৱৰ উন্নয়নৰ এক নগ্ন ছবি ৷ স্বাধীনতাৰ 71 বছৰ পিচটো সমষ্টিবাসীয়ে লাভ নকৰিলে এখন পকী দলং ৷ বিগত বৰ্ষসমূহত স্থানীয় বিধায়ক ইলিয়াচ আলীক বাৰম্বাৰ অনুৰোধ জনাই অহাৰ পিচটো সমষ্টিবাসীয়ে লাভ নকৰিলে অতিকে প্ৰয়োজনীয় দলংখন ৷

সমষ্টিটোৰ দলগাঁও শিক্ষাখণ্ডৰ অন্তৰ্গত কাচোমাৰী নিম্ন প্ৰাথমিক বিদ্যালয়লৈ যোৱা পথতে আছে এইখন সাঁকো, যিখন সাঁকোৰে প্ৰতিদিনে পাৰ হয় বহুসংখ্যক শিক্ষাৰ্থী ৷ ছাত্ৰ-ছাত্ৰীসকলৰ সুবিধাৰ প্ৰতি লক্ষ্য ৰাখি প্ৰধান শিক্ষক ৰমজান আলী আৰু স্থানীয় ৰাইজে লগ-লাগি এইখন সাঁকো নিৰ্মাণ কৰিছিল যদিও বৰ্তমানে জৰাজীৰ্ণ হৈ পৰিছে সাঁকোখন ৷ চবকা সাথ চবকা বিকাশৰ শ্লোগান দিয়া বিজেপি চৰকাৰে শিক্ষাৰ্থীসকলে কিদৰে বিদ্যালয়লৈ অহা-যোৱা কৰি আছে তাক এবাৰ প্ৰত্যক্ষ কৰি উক্ত স্থানত এখন দলং নিৰ্মাণ কৰি দিব বুলি আশা কৰিছে স্থানীয় ৰাইজে ৷