দৰং,27 মে’: সমগ্ৰ ৰাজ্যৰ লগতে দৰং জিলাতো কৰ’ণা মহামাৰীয়ে ভয়ংকৰ ৰূপ ধাৰণ কৰিছে ৷ এই সময়তে মঙলদৈ ৰাজহ চক্ৰত চাৰিটাকৈ কণ্টেইনমেণ্ট জ’ন ঘোষণা কৰিবলগীয়া হৈছে প্ৰশাসনে । ইপিনে অসম চৰকাৰৰ নিৰ্দেশমৰ্মে আজি মঙলদৈ ৰাজহ চক্ৰৰ উক্ত কণ্টেইনমেণ্ট জ’নসমূহত সাহায্য বিতৰণ কৰে প্ৰশাসনে ।
মঙলদৈত প্ৰশাসনৰ ক’ভিড সাহায্য প্ৰদান
মঙলদৈ চহৰৰ মাজমজিয়াত এল এন বি ৰোডৰ সমীপতে থকা কণ্টেইনমেণ্ট জ’নত এই সাহায্য প্ৰদান কাৰ্যসূচী ৰূপায়ণ কৰে প্ৰশাসনে । মঙলদৈ ৰাজহ চক্ৰৰ বিষয়া, কৰ্মচাৰীসকলৰ লগতে মঙলদৈ বিধানসভা সমষ্টিৰ প্ৰাক্তন বিধায়ক গুৰুজ্যোতি দাস উপস্থিত থাকি সাহায্য প্ৰদান কাৰ্যসূচী সম্পন্ন কৰে ।