মুখ্যমন্ত্ৰীয়ে উদ্বোধন কৰিলে মঙলদৈ সদৰ থানাৰ নৱ-নিৰ্মিত ভৱন

মৈত্ৰী আঁচনিৰ অধীনত নিৰ্মিত মঙলদৈ সদৰ থানাৰ নতুন ভৱন । অসম আৰক্ষীৰ শ্বহীদ দিৱসৰ দিনা মঙলদৈত মুখ্যমন্ত্ৰী সৰ্বানন্দ সোণোৱাল ৷

দৰং, 21 অক্টোবৰ: সোমবাৰে মঙলদৈ সদৰ থানাৰ নৱ নিৰ্মিত ভৱন উদ্বোধন কৰিলে মুখ্যমন্ত্ৰী সৰ্বানন্দ সোণোৱালে । অসম আৰক্ষীৰ শ্বহীদ দিৱসৰ দিনাই উদ্বোধন কৰে এই নৱ নিৰ্মিত ভৱনটো । দায়িত্বশীল ভাৱমূৰ্তিৰ বাবে থানাসমূহৰ সৰ্বাংগীন উন্নয়ন আঁচনি MOITRI ৰ অধীনত উদ্বোধন কৰে মঙলদৈ সদৰ থানাৰ নৱ নিৰ্মিত ভৱনটি । লগতে অনুষ্ঠানটোত অসম আৰক্ষীৰ অমৰ শ্বহীদ সকলৰ পুণ্য স্মৃতিত শ্ৰদ্ধাঞ্জলি জ্ঞাপন কৰে মুখ্যমন্ত্ৰীগৰাকীয়ে ।

অনুষ্ঠানটোত মুখ্য অতিথি হিচাপে উপস্থিত থাকে মুখ্যমন্ত্ৰী সৰ্বানন্দ সোণোৱাল ৷ তেওঁৰ লগতে উপস্থিত থাকে মন্ত্ৰী অতুল বৰা, সাংসদ দিলীপ শইকীয়া, দি জি পি কুলধৰ শইকীয়া, দি আই জি ব্ৰজেঞ্জিত সিনহা, মঙলদৈ সমষ্টিৰ বিধায়ক গুৰু জ্যোতি দাস, অসম চৰকাৰৰ অতিৰিক্ত মুখ্য সচিব কুমাৰ সঞ্জয় কৃষ্ণ ।