দলগাঁও,14 ফেব্ৰুৱাৰী:দৰঙৰ দলগাঁৱত সংঘটিত এক পথ দুৰ্ঘটনাত কৰুণ মৃত্যুক সাৱটিলে এগৰাকী আৰক্ষী জোৱানে ৷ নিশা কৰ্তব্যৰত অৱস্থাত নায়ক আবুবক্কৰ আলী নামৰ যান-বাহন আৰক্ষীৰ জোৱানজনে দুৰ্ভাগ্যজনকভাৱে মৃত্যুক আঁকোৱালি লয় ৷
পথ দুৰ্ঘটনাত কৰ্তব্যৰত আৰক্ষী নিহত - দৰঙৰ দলগাঁৱত সংঘটিত এক পথ দুৰ্ঘটনা
দলগাঁৱত পথ দুৰ্ঘটনাত নিহত কৰ্তব্যৰত আৰক্ষী জোৱান ৷ নিহত জোৱানগৰাকী হৈছে নায়ক আবুবক্কৰ আলী ৷ দেওবাৰে নিশা 15 নং ৰাষ্ট্ৰীয় ঘাইপথত যান-বাহনত তালাচী চলাই থাকোতে সংঘটিত হয় এই দুৰ্ঘটনা ৷
police personnel died in a road accident in dalgaon
জানিব পৰা মতে, নিশা কৰ্তব্যৰত অৱস্থাত আৰক্ষীক দেখি পলায়নৰ চেষ্টা কৰা আলকাতৰাৰ ড্ৰাম ভৰ্তি এখন ট্ৰাক দলগাঁৱৰ পথৰ ডিভাইডাৰত বাগৰি পৰে ৷ ট্ৰাকৰ পৰা চিটিকি যোৱা আলকাতৰাৰ ড্ৰামৰ আঘাতত তালাচীৰ দায়িত্বত থকা আৰক্ষীগৰাকী নিহত হয় ৷ দুৰ্ঘটনা পতিত এ এছ 05 চি 7923 নম্বৰৰ ট্ৰাকখন বাইহাটাৰ পৰা তেজপুৰ অভিমুখে গৈ আছিল ৷
লগতে পঢ়ক:কলিয়াবৰত একেটা দিনতে দুটাকৈ পথ দুৰ্ঘটনা