দৰং, 27 মে’ : বটদ্ৰৱা আৰক্ষী থানা আক্ৰমণ আৰু অগ্নিসংযোগৰ ঘটনাৰ অন্যতম পৰিকল্পনাকাৰী আল্লাউদ্দিনক অৱশেষত আৰক্ষীয়ে গ্ৰেপ্তাৰ কৰিবলৈ সক্ষম হয়(Police arrested main accused in Batadrava case) ৷ দৰং জিলাৰ বেচিমাৰী আৰু দৈপামৰ মাজৰ সংখ্যালঘূ অধ্যুষিত এলেকাৰ পৰা বৃহস্পতিবাৰে নিশা দৰং আৰক্ষীয়ে গ্ৰেপ্তাৰ কৰে আল্লাউদ্দিনক ৷
নগাঁৱৰ পৰা পলাই গৈ দৰঙৰ মৌচিদাত আত্মগোপন কৰি আছিল আল্লাউদ্দিনে ৷ বটদ্ৰৱা কাণ্ডৰ অন্যতম মূল অভিযুক্ত আল্লাউদ্দিনে আত্মগোপন কৰি থকা তথ্য লাভ কৰি বৃহস্পতিবাৰে বিয়লি ৪ বজাৰ পৰা আৰক্ষীয়ে অভিযান আৰম্ভ কৰিছিল ৷ ধূলা থানাৰ ভাৰপ্ৰাপ্ত বিষয়া উৎপল বৰা আৰু নগাঁও আৰক্ষীৰ সহযোগত চলা এই অভিযানৰ উমান পায় মৌচিদাৰ পৰা পলায়ন কৰিছিল দুৰ্ধৰ্ষ অভিযুক্তজনে ৷