ওৰাং ৰাষ্ট্ৰীয় উদ্যানত বান

নিৰাপদ স্থান বিচাৰি ধাপলি মেলিছে উদ্যানখনৰ বন্যপ্ৰাণীসমূহ ৷ বানত বুৰ গৈছে উদ্যানখনৰ কুৰিৰো অধিক বন শিবিৰ ৷

• ওৰাং ৰাষ্ট্ৰীয় উদ্যানত বানৰ তাণ্ডৱ
• কুৰিৰো অধিক বন শিবিৰ প্লাৱিত বানত
• টুলুঙা নাৱেৰে টহল দিছে বন কৰ্মীয়ে
  

  ওৰাং ৰাষ্ট্ৰীয় উদ্যানত বান

ধনশিৰি আৰু মহাবাহু ব্ৰহ্মপুত্ৰৰ উফন্দি উঠা বাঢ়নি পানীয়ে ত্ৰাসৰ সৃষ্টি কৰিছে উদ্যানখন বন্যপ্ৰাণীৰ মাজত। যাৰ বাবে নিৰাপদ ওখ স্থান বিচাৰিঢাপলি মেলিছে বন্যপ্ৰাণীসমূহে ৷ উদ্যানখনৰ কটগৰা,ছাবনী হাজাৰ বিঘা,বৰখে,তিনকোনা,বন্তবো,ৰামকং,পুৰণা গড়ভঙা,নতুন গড়ভঙা , বগৰীবাৰী,কাটাশালী,কাছোমাৰী,বালিকেম্প আদিকে ধৰি প্ৰায় সংখ্যক বন শিবিৰ পানীত ডুব গৈছে । যাৰ বাবে বন্যপ্ৰাণীৰ লগতে বন কৰ্মীসকলৰ মাজত হাহাকাৰ পৰিস্থিতিৰ সৃষ্টি হৈছে । এনে পৰিস্থিতিত চোৰাংচিকাৰীয়ে যাতে উদ্যানত প্ৰৱেশ কৰি গড় হত্যা কৰিব নোৱাৰে তাৰ বাবে টুলুঙা নাৱেৰেই নিজৰ কৰ্তব্যত নিয়োজিত হৈ আছে প্ৰতিজন বনকৰ্মী।