দলগাঁও, 4 নৱেম্বৰ : ওৰাং ৰাষ্ট্ৰীয় উদ্যান(Orang National Park)ত মৃত্যু হয় এটি ঢেকীয়াপতীয়া বাঘ(Bengal Tiger)ৰ ৷ মঙলবাৰে পুৱাৰ ভাগত ৰামকোং(Ramkong) বন শিবিৰৰ সমীপতে বাঘটো মৃত অৱস্থাত প্ৰত্যক্ষ কৰে উদ্যানখনৰ তহলদাৰীয়ে ৷ ইয়াৰ পাচতে খবৰ পাই উদ্যানখনত উপস্থিত হয় বন বিষয়া প্ৰদীপ্ত বৰুৱাৰ লগতে পশু চিকিৎসক, NTCA আৰু সাংবাদিকৰ এটা দল ।
ঘটনাস্থলীত উপস্থিত হৈ ঢেকীয়াপতীয়াটোৰ মৃত্যু সন্দৰ্ভত অনুসন্ধান আৰম্ভ কৰে বিষয়া-কৰ্মচাৰীসকলে । অনুসন্ধানত 3 ফুট ওখ আৰু 5.3 ফুট দীঘল পূৰ্ণ বয়স্ক বাঘটো আন এটা বাঘৰ সৈতে হোৱা সংঘৰ্ষ ফলত মৃত্যু হোৱা বুলি নিশ্চিত কৰে পশু চিকিৎসকৰ দলটোৱে ।