দৰং,11আগষ্টঃ প্ৰাক্তন মুখ্যমন্ত্ৰী তৰুণ গগৈ চৰকাৰৰ কাৰ্যকালতে 2012 চনতে স্থাপন কৰা কৰা হৈছিল মঙলদৈত এটা বিশুদ্ধ খোৱা পানী যোগানৰ আঁচনিৰ কাম ৷ সেই সময়তে মঙলদৈ পৰা নিৰ্বাচিত হৈ মীন বিভাগৰ মন্ত্ৰী হৈ বসন্ত কুমাৰ দাসে অঞ্চলটোলৈ খোৱাপানীৰ সমস্যা সমাধানৰ উদ্দেশ্যে আৱন্টন দি আনিছিল 12 কোটি ব্যয় সাপেক্ষে নিৰ্মাণ হ’ব পানী যোগানৰ আঁচনিখন ৷
পৰিতাপৰ কথা যে, সম্প্ৰতি আঠ বছৰ উকলি যোৱাৰ পিচতো আজিও সম্পূৰ্ণ নহ’ল পানী যোগান আঁচনিৰ কাম ৷ বৰ্তমান মঙলদৈৰ জনপ্ৰতিনিধি কিম্বা দিছপুৰত চৰকাৰ পৰিৱৰ্তন হ’ল ৷ তাৰ পিচতো বিশুদ্ধ খোৱা পানীৰ পৰা বঞ্চিত হৈ থাকিল মঙলদৈ সমষ্টিৰ একাংশ লোক ৷ ফলত বিভিন্ন দলসংগঠনৰ লগতে স্থানীয় ৰাইজে ক্ষোভ প্ৰকাশ কৰাৰ লগতে অতিশ্ৰীঘ্ৰে চৰকাৰ তথা বিভাগীয় কৰ্তৃপক্ষক বিহিত ব্যৱস্থা গ্ৰহণ কৰি অঞ্চলটোৰ ৰাইজক বিশুদ্ধ খোৱা পানী যোগান ধৰিবলৈ দাবী জনাইছে ৷
লগতে পঢ়কঃ শিৱসাগৰত আছুৰ EIA-2020 ৰ প্ৰতিলিপি দাহ