বিধায়ক গুৰুজ্যোতি দাসৰ ট্ৰাই ছাইকেল বিতৰণ

মঙলদৈৰ বিধায়ক গুৰুজ্যোতি দাসে চৰকাৰী আঁচনিৰ জৰীয়তে দৰং জিলাৰ কৃষি বিষয়াৰ জৰীয়তে অতি কমেও ৩০ জন হিতাধিকাৰীৰ মাজত ট্ৰাই ছাইকেল বিতৰণ কৰে ৷

দৰঙ,22 জুলাইঃ বৰ্তমান দেশৰ সৰ্বত্ৰে ক’ৰণাৰ আতংক ৷ দিন হাজিৰা কৰা সাধাৰণ জনতাৰ হাতত নাই কোনো কাম ৷ হাজিৰা কৰিবলৈ আনৰ ঘৰলৈ যাব নোৱাৰে কাৰণ ক’ৰণা ৷ মুঠৰ ওপৰত দিন হাজিৰা কৰা মানুহৰ উপাৰ্জনৰ সকলো পথ প্ৰায় বন্ধ হোৱাৰ পথত ৷ এনে সময়তে মঙলদৈৰ বিধায়ক গুৰুজ্যোতি দাসে চৰকাৰী আঁচনিৰ জৰীয়তে দৰং জিলাৰ কৃষি বিষয়াৰ জৰীয়তে অতি কমেও ৩০ জন হিতাধিকাৰীৰ মাজত ট্ৰাই ছাইকেল বিতৰণ কৰিলে ৷

আৰেং প্ৰাথমিক বিদ্যালয়ত আয়োজন কৰা এক কাৰ্যসূচীত ট্ৰাই চাইকেল বিতৰণ অনুষ্ঠানত উপস্থিত থাকে জিলা কৃষি বিষয়া,দৰং জিলা বিজেপিৰ সভাপতি অমৰেন্দ্ৰ শৰ্মা,নগৰবাহী গাঁও পঞ্চায়তৰ সভাপতি চৰিফুল হ’ক ৷ ট্ৰাই চাইকেল বিতৰণী সভাত বিধায়ক গুৰুজ্যোতি দাসে হিতাধিকাৰী সকলক চাইকেলৰ উপযুক্ত ব্যৱহাৰ কৰি নিজ নিজ পৰিয়াল চলাই নিব পাৰিব বুলি আশা প্ৰকাশ কৰে ৷

লগতে পঢ়কঃ বিধায়ক শিলাদিত্য দেৱৰ সমষ্টিৰ পথৰ দুৰৱস্থা