দৰং, 14 ডিচেম্বৰ: বৰমপুৰত কৃতী ছাত্ৰ-ছাত্ৰীক সম্বৰ্ধনা জনায় ছিপাঝাৰৰ বিধায়ক বিনন্দ কুমাৰ শইকীয়াই ৷ দৰঙৰ বৰমপুৰ জাতীয় বিদ্যালয়ত বিদ্যালয় কৰ্তৃপক্ষ আৰু স্থানীয় ৰাইজে আয়োজন কৰিছিল কৃতী শিক্ষাৰ্থীৰ অভিনন্দন আৰু সম্বৰ্ধনা অনুষ্ঠান ৷ হাইস্কুল শিক্ষান্ত পৰীক্ষাত দৰং জিলালৈ সুনাম কঢ়িয়াই অনা কৃতী শিক্ষাৰ্থী সকলক অভিনন্দন আৰু সম্বৰ্ধনা জনোৱা হয় এই অনুষ্ঠানত ৷ বৰমপুৰ জাতীয় বিদ্যালয়ৰ পৰা হাইস্কুল শিক্ষান্ত পৰীক্ষাত প্ৰথম স্থানপ্ৰাপ্ত ধৃতিৰাজ বাস্তৱ কলিতা, নৱম স্থানপ্ৰাপ্ত ভৃগুমোহন কুমাৰ, উচ্চতৰ মাধ্যমিকৰ কলা শাখাত প্ৰথম স্থানপ্ৰাপ্ত পূবালী ডেকা আৰু বৰমপুৰ জাতীয় বিদ্যালয়ৰ পৰা ষ্টাৰ আৰু ডিষ্ট্ৰিংচন লাভ কৰা কেইবাগৰাকীও কৃতিমান শিক্ষাৰ্থীক বিদ্যালয় কৰ্তৃপক্ষই সম্বৰ্ধনা জ্ঞাপন কৰে ৷
বৰমপুৰত কৃতী ছাত্ৰ ছাত্ৰীক সম্বৰ্দ্ধনা জনালে বিধায়ক বিনন্দ কুমাৰ শইকীয়াই