দৰং,২৪ এপ্ৰিল:দৰং জিলাৰ ছিপাঝাৰত কৰ'ণাতঙ্ক । হাজৰিকাপাৰা বৰুৱা চুবুৰীত ১৭ গৰাকী লোকৰ দেহত ধৰা পৰে ভাইৰাছৰ অৱস্থিতি । একেটা চুবুৰীতে ইমান গৰাকী লোকৰ দেহত ভাইৰাছৰ অৱস্থিতি ধৰা পৰাত আতংকিত অঞ্চলটোৰ ৰাইজ । এখন বিয়াৰ পৰাই ভাইৰাছৰ সংক্ৰমণ হোৱাৰ আশংকা ৰাইজৰ ।
ছিপাঝাৰৰ এখন বিয়াৰ পৰা কৰ'ণাৰ ভয়ংকৰ গণ সংক্ৰমণ
যোৱা ২ বহাগৰ বিয়াখন অনুষ্ঠিত হোৱা পৰিয়ালটোৰ লগতে চুবুৰীয়া আৰু দূৰৈৰ আত্মীয়ৰ দেহতো ধৰা পৰিছে ভাইৰাছ । হাহাকাৰ পৰিৱেশে বিৰাজ কৰিছে সমগ্ৰ অঞ্চলটোত । ইফালে তৎপৰ হৈছে স্বাস্থ্য বিভাগ । ছিপাঝাৰ সামুহিক স্বাস্থ্য কেন্দ্ৰৰ চিকিৎসকৰ দলে শনিবাৰেও অঞ্চলটোত ঔষধ বিতৰণ কৰে । স্বাস্থ্য কৰ্মীৰ দলটোৱে জনোৱা মতে অঞ্চলটোত এতিয়াও বহু লোকৰ পৰীক্ষা হোৱা নাই । পৰীক্ষা কৰিলেই ক'ভিড পজিটিভ ধৰা পৰাৰ আশংকাত আছে ৰাইজ ।