খাৰুপেটীয়াত হেলমেট পৰিহিত লোকে থপিয়াই নিলে লক্ষাধিক টকা

খাৰুপেটীয়াৰ কানাড়া বেংকৰ সন্মুখৰ মঙলবাৰে এগৰাকী ব্যৱসায়ীৰ পৰা বাইকত অহা দুই লোকে ১ লাখ ৮০ হাজাৰ টকা থপিয়াই নিয়ে ৷ উল্লেখ্য যে, বিগত বছৰতো খাৰুপেটীয়াত কেইবাটাও ডকাইতিৰ ঘটনা সংঘটিত হৈছে যদিও আৰক্ষীয়ে আজিলৈকে কৰায়ত্ত কৰিব পৰা এজনো অভিযুক্তক ৷

খাৰুপেটীয়া, 12 ফেব্ৰুৱাৰীঃমঙলবাৰে দিন দুপৰতে দৰঙৰ খাৰুপেটীয়াৰ কানাড়া বেংকৰ সন্মুখৰ পৰা কাজিমুদ্দিন নামৰ এগৰাকী ব্যৱসায়ীৰ পৰা ১ লাখ ৮০ হাজাৰ টকা থপিয়াই নিয়ে বাইকত অহা দুই লোকে ৷ খাৰুপেটীয়া ষ্টেট বেংক শাখাৰ পৰা টকাখিনি উলিয়াই বাইকেৰে আহি কানাড়া বেংকৰ সন্মুখত আহি থিয় হোৱাৰ লগে লগে পিছফালৰ পৰা বাইকেৰে আহি টকাৰ বেগ থপিয়াই উধাও হয় চোৰৰ দলটো ৷ অভিযোগ অনুসৰি, বিগত বছৰতো খাৰুপেটীয়াৰ কানাড়া আৰু ষ্টেট বেংকৰ সমুখৰ পৰা কেইবাটাও এনে দিন ডকাইতিৰ ঘটনা সংঘটিত হৈছে যদিও খাৰুপেটীয়া আৰক্ষীয়ে আজিলৈকে কৰায়ত্ত কৰিবলৈ সক্ষম হোৱা নাই এজনো অভিযুক্তক ৷

লগতে পঢ়কঃএটা ফেচবুক পোষ্ট দি বন্দুকৰ পথলৈ সমীৰণ