দৰং, 14 নবেম্বৰ : দৰঙৰ ছিপাঝাৰ স্থিত উত্তৰ-পূৰ্বাঞ্চলৰ সৰ্ববৃহৎ পলিয়েষ্টাৰ উদ্যোগ প্ৰাগবছিমি চিন্থেটিক্স লিমিটেড পৰ্যবেক্ষণ উদ্যোগমন্ত্ৰী চন্দ্ৰমোহন পাটোৱাৰীৰ ৷ লক ডাউনৰ অজুহাতত বন্ধ হৈ আছিল উত্তৰ-পূৰ্বাঞ্চলৰ সৰ্ববৃহৎ পলিয়েষ্টাৰ উদ্যোগটো । অসম ঔদ্যোগিক উন্নয়ন নিগমৰ বিষয়াৰ সৈতে উদ্যোগটো পৰ্যবেক্ষণ কৰি শীঘ্ৰে সম্পূৰ্ণৰূপে ইয়াক কাৰ্যক্ষম কৰাৰ আশ্বাস দিয়ে মন্ত্ৰী পাটোৱাৰীয়ে ।
প্ৰাগবছিমি চিন্থেটিক্স লিমিটেড পৰ্যবেক্ষণ উদ্যোগমন্ত্ৰী চন্দ্ৰমোহন পাটোৱাৰীৰ
উল্লেখযোগ্য যে,১৯৮৮ চনতে যুটীয়াখণ্ডত স্থাপিত প্ৰাগবছিমি সূতা উদ্যোগটোৰ উৎপাদন কাৰ্য বিভিন্ন অজুহাতত সময়ে সময়ে পৰিচালন কৰ্তৃপক্ষই বন্ধ কৰি ৰাখি আহিছে ৷ কিন্তু তাৰ বিপৰীতে উদ্যোগটোৰ নামত চৰকাৰে আগবঢ়োৱা ৰাজসাহাৰ্য গ্ৰহণ কৰি আহিছে কৰ্তৃপক্ষই । উৎপাদন বন্ধ হৈ থকাৰ পৰিপ্ৰেক্ষিতত মাহৰ পিচত মাহ দৰমহা নাপায় হাহাকাৰ অৱস্থাৰ সৃষ্টি হৈছে শ্ৰমিক-কৰ্মচাৰী সকলৰ ।