ক’ভিডৰ বাবে বন্ধ হ’ল ছিপাঝাৰ জাতীয় বিদ্যালয়

ছিপাঝাৰ জাতীয় বিদ্যালয়ৰ শিক্ষক-শিক্ষয়িত্ৰী আৰু এগৰাকী ছাত্ৰী সহ মুঠ ৫ গৰাকীৰ দেহত ক'ভিডৰ উপস্থিতি পোৱা গৈছে ৷ ইয়াৰ পাচতে এক আতংকৰ সৃষ্টি হৈছে বিদ্যালয়খনৰ লগতে বিদ্যালয়ৰ সমীপৰ সমগ্ৰ অঞ্চলটোত ৷

ছিপাঝাৰ, 21 এপ্ৰিল : ছিপাঝাৰ জাতীয় বিদ্যালয়ৰ শিক্ষক-শিক্ষয়িত্ৰী আৰু এগৰাকী ছাত্ৰী সহ মুঠ ৫ গৰাকীৰ দেহত ক'ভিডৰ উপস্থিতি পোৱা গৈছে ৷ ইয়াৰ পাচতে এক আতংকৰ সৃষ্টি হৈছে বিদ্যালয়খনৰ লগতে বিদ্যালয়ৰ সমীপৰ সমগ্ৰ অঞ্চলটোত ৷

জানিব পৰা মতে, ছিপাঝাৰ জাতীয় বিদ্যালয়খনৰ মইনুল হক নামৰ শিক্ষকগৰাকীয়ে ছিপাঝাৰ সামুহিক স্বাস্থ্য কেন্দ্ৰত ক'ভিড ভেকচিন ল'বলৈ গৈ ক'ভিড পৰীক্ষা কৰাত তেওঁৰ দেহত ক’ভিডৰ উপস্থিতি ধৰা পৰে ৷ ইয়াৰ পাচতে বিদ্যালয়খনৰ আন সকল শিক্ষক-শিক্ষয়িত্ৰী আৰু ছাত্ৰ-ছাত্ৰীক ক'ভিড পৰীক্ষা কৰাত মুঠ 5 গৰাকীৰ দেশত ক'ভিডৰ উপস্থিতি পোৱা যায় ৷

উল্লেখ্য যে, বিদ্যালয়খনত ক'ভিডৰ উপস্থিতি পোৱাৰ লগে লগতে ছিপাঝাৰ ৰাজহ চক্ৰ বিষয়াই তাৎক্ষণিকভাৱে ৫ দিনৰ বাবে বন্ধ কৰি দিয়ে বিদ্যালয়খন ৷ ক'ভিডত আক্ৰান্ত কেইজন বৰ্তমান হোম আইচ’লেচনত থকাৰ নিৰ্দেশ দিছে স্বাস্থ্য বিভাগে ৷

লগতে পঢ়ক: বৰপেটা অসামৰিক চিকিৎসালয়ত ৯ গৰাকী ক’ভিড ৰোগী চিনাক্ত