দলগাঁও, ২ জুন: খাৰুপেটীয়াত দেখা গ’ল স্বাস্থ্য বিভাগৰ ফোঁপোলা স্বৰূপ । খাৰুপেটীয়াৰ মণ্ডলপাৰা উপস্বাস্থ্য কেন্দ্ৰই উদঙাই দিছে দৰঙৰ দলগাঁও সমষ্টিত অসম চৰকাৰৰ বিয়াগোম স্বাস্থ্য বিভাগটোৰ নগ্ন ছবি । বিভাগটোৰ খাৰুপেটীয়া খণ্ড প্ৰাথমিক স্বাস্থ্য কেন্দ্ৰৰ অন্তৰ্গত মণ্ডলপাৰা গাঁৱত ৭ বছৰ পূৰ্বে নিৰ্মাণ কৰা হৈছিল উপ স্বাস্থ্য কেন্দ্ৰটো ।
আশ্চৰ্যজনকভাবে, আজিলৈ ৰাইজৰ বাবে মুকলি কৰা নহ'ল উক্ত কেন্দ্ৰটো । ফলত দুৰ্ভোগ ভুগিব লগীয়া হৈছে অঞ্চলবাসী ৰাইজে । উল্লেখ্য যে, ২০১৪ চনত উপস্বাস্থ্য কেন্দ্ৰটো স্থাপন কৰাৰ পিছৰ পৰাই আছে কেন্দ্ৰটো পৰিত্যক্ত অৱস্থাত আছে । মাথো এয়াই নহয় লাখ লাখ টকা ব্যয় সাপেক্ষে নিৰ্মাণ কৰা কেন্দ্ৰটোৰ খবৰ ল'বলৈকো আহৰি নাই বিয়াগোম বিভাগটোৰ বিষয়া কৰ্মচাৰীৰ ।
ভূতবাংলাত পৰিণত হৈছে খাৰুপেটীয়াৰ এটা উপস্বাস্থ্য কেন্দ্ৰ