বঙাইগাঁও,9 জুন :বঙাইগাঁও জিলাৰ মাণিকপুৰত সংঘটিত হৈছে সচৰাচৰ নঘটা এক ঘটনা । সাধাৰণতে দমকলৰ পৰা নিৰ্গত হোৱা পানীৰ সলনি নিৰ্গত হৈ আছে হালধীয়া ৰঙৰ পানী । উল্লেখ্য যে, জিলাখনৰ মাণিকপুৰৰ ২নং দুপুৰী গাঁৱৰ গোপাল সৰকাৰৰ ঘৰৰ দমকলৰ পৰা কেইবাদিনো ধৰি নিৰ্গত হৈ আছে হালধীয়া পানী । তাৎপৰ্যপূৰ্ণ বিষয়টো হৈছে যে, ঘৰৰ গৰাকী গোপাল সৰকাৰ পেচাত এগৰাকী দমকল মিস্ত্ৰী ।
দমকলৰ পৰা এই ৰঙৰ পানী নিৰ্গত হোৱা দেখি এতিয়া নিজেও আচৰিত হৈছে অভিজ্ঞতা সম্পন্ন মিস্ত্ৰী গৰাকী । ইফালে পানীৰ অস্বাভাৱিক ৰং দেখি গাঁৱৰ ৰাইজে এতিয়া সৰকাৰৰ ঘৰৰ পৰা বটলে বটলে পানী কঢ়িয়াইছে । পুৱাৰে পৰা মানুহৰ লানি নিছিগা সোঁত বৈছে সৰকাৰৰ ঘৰলৈ ।
দমকল মিস্ত্ৰীৰ বাসগৃহৰ দমকলত ওলাইছে হালধীয়া পানী