ছিপাঝাৰ, 31 অক্টোবৰঃ ধোৱাচাঙত পৰিণত হৈছে শিশু শিক্ষা অধিকাৰ 2009 ৷ চৰকাৰ তথা শিক্ষা বিভাগৰ হঠকাৰী সিদ্ধান্তই বিপাঙত পেলাইছে বহু শিক্ষাৰ্থীৰ লগতে অভিভাৱকক ৷ বহু শিক্ষাৰ্থীৰ জীৱনলৈ নামি আহিছে অমানিশা ৷
কিয় শিক্ষা বিভাগে গ্ৰহণ কৰিছে এই সিদ্ধান্ত
উল্লেখ্য যে,চৰকাৰে সিদ্ধান্ত লৈছে দৰং জিলাৰ ২৫ খন চৰকাৰী বিদ্যালয় বন্ধ কৰাৰ ৷ মধ্য ইংৰাজী বিদ্যালয় আৰু প্ৰাথমিক বিদ্যালয় বন্ধৰ সিদ্ধান্ত লৈছে শিক্ষা বিভাগে ৷ জিলাখনৰ ছিপাঝাৰ শিক্ষাখণ্ডত থকা১৮ খন আৰু কলাইগাঁও শিক্ষা খণ্ডৰ৭ খন বিদ্যালয় বন্ধ হোৱাৰ ঘোষণা ৷ ইতিমধ্যে এই বিদ্যালয় সমূহৰ পৰা স্থানান্তৰ কৰা হৈছে শিক্ষকসকলক ৷ চৰকাৰে বন্ধ কৰি দিয়া বিদ্যালয় সমূহৰ তালিকাত আছে ২০১৭ চনত গুণোৎসৱত ৯৯.৪০ % নম্বৰ লাভ কৰা তথা অসমৰ ভিতৰত সৰ্বোচ্চ তালিকাত থকা দগীয়াপাৰা বান্দৰীঝাৰ প্ৰাথমিক বিদ্যালয়খনো ৷