দৰঙত কংগ্ৰেছৰ স্বাধীনতাৰ গৌৰৱময় যাত্ৰা

ভাৰতৰ স্বাধীনতা লাভৰ 75 সংখ্যক বৰ্ষপূৰ্তি (76th Years of Independencee) উপলক্ষে ৰাজ্যৰ সমষ্টিয়ে সমষ্টিয়ে কংগ্ৰেছে উলিয়াইছে 'স্বাধীনতাৰ গৌৰৱময় যাত্ৰা' শীৰ্ষক শোভাযাত্ৰা (Gauravmoy Yatra of congress in Darrang) । সমান্তৰালভাৱে দেওবাৰে দৰঙত কংগ্ৰেছে আয়োজন কৰে এক শোভাযাত্ৰাৰ ।

দৰং, 14 আগষ্ট: ভাৰতৰ স্বাধীনতা লাভৰ 75 সংখ্যক বৰ্ষপূৰ্তি (75th Years of Independence) উপলক্ষে ৰাজ্যৰ সমষ্টিয়ে সমষ্টিয়ে কংগ্ৰেছে উলিয়াইছে 'স্বাধীনতাৰ গৌৰৱময় যাত্ৰা' শীৰ্ষক শোভাযাত্ৰা । সামান্তৰালভাৱে দেওবাৰে দৰঙত কংগ্ৰেছে স্বাধীনতাৰ গৌৰৱময় যাত্ৰা উপলক্ষে এক শোভাযাত্ৰাৰ আয়োজন কৰে (Gauravmoy Yatra of congress in Darrang) ।

দৰঙৰ উপায়ুক্তৰ কাৰ্যালয়ৰ সন্মুখত থকা মহাত্মা গান্ধীৰ প্ৰতিমূৰ্তিত মাল্যৰ্পণ কৰি মঙলদৈৰ চৰকাৰ চক’ৰ পৰা টাংনি চাৰিআলিলৈ এক বিশাল শোভাযাত্ৰা আয়োজন কৰা হয় । শোভাযাত্ৰাৰ পূৰ্বে এখন সভাও অনুষ্ঠিত কৰা হয় । সভাত উপস্থিত থাকি প্ৰদেশ কংগ্ৰেছৰ সভাপতি ভূপেন বৰাই স্বাধীনতা আন্দোলনত কংগ্ৰেছৰ ভূমিকাৰ বিষয়ে প্ৰকাশ কৰে ।

লগতে বৰ্তমানৰ চৰকাৰখনক তীব্ৰভাৱে সমালোচনা কৰে সভাপতিগৰাকীয়ে । এতিয়া দেশ শাসন কৰাৰ নামত বিভেদৰ বীজ সিঁচা বুলি চৰকাৰক দোষাৰোপো কৰে তেওঁ । গৌৰৱ যাত্ৰাত মহিলা কংগ্ৰেছ কমিটিৰ সভানেত্ৰী মীৰা বৰঠাকুৰৰ লগতে কংগ্ৰেছ নেতা ৰকিবুল হুছেইন, মঙলদৈ সমষ্টিৰ বিধায়ক বসন্ত দাসকে ধৰি প্ৰায় তিনি হাজাৰৰো অধিক কংগ্ৰেছ কৰ্মীয়ে যোগদান কৰে ।

লগতে পঢ়ক:নলবাৰীত কংগ্ৰেছৰ স্বাধীনতাৰ গৌৰৱময় যাত্ৰা