দৰঙত প্ৰৱঞ্চক আটক

খাৰুপেটীয়া আৰক্ষীৰ সফল অভিযান ৷ ভূৱা বেংক একাউণ্ট খুলি চৰকাৰী আঁচনিৰ নামত লক্ষাধিক টকা লুণ্ঠন কৰিছিল ইউকো বেংকৰ গ্ৰাহক সেৱা কেন্দ্ৰত কৰ্মৰত সহিদুল ইছলাম নামৰ ব্যক্তিগৰাকীয়ে ৷ অৱশেষত আৰক্ষীয়ে আটক কৰে ব্যক্তিগৰাকীক ৷

দৰং,18 ছেপ্তেম্বৰ: দৰঙৰ খাৰুপেটীয়া আৰক্ষীৰ সফল অভিযান ৷ দীৰ্ঘদিনে ভূৱা বেংক একাউণ্ট খুলি চৰকাৰী আঁচনিৰ নামত লক্ষাধিক টকা লুণ্ঠন কৰিছিল ইউকো বেংকৰ গ্ৰাহক সেৱা কেন্দ্ৰত কৰ্মৰত সহিদুল ইছলাম নামৰ ব্যক্তিগৰাকীয়ে ৷ জিলাখনৰ খাৰুপেটীয়া আৰক্ষীয়ে বৃহস্পতিবাৰে বিশ্বকৰ্মা পূজাৰ নিশা এক গোপন সূত্ৰৰ ভিত্তিত অভিযান চলাই প্ৰৱঞ্চকগৰাকীক আটক কৰে ৷ আটকাধীন ব্যক্তিগৰাকী খাৰুপেটীয়াৰ সমীপৰ বৰুৱাঝাৰৰ ইউকো বেংকৰ গ্ৰাহক সেৱা কেন্দ্ৰত কৰ্মৰত আছিল ৷

প্ৰৱঞ্চক আটক

আটকাধীন সহিদুলৰ বিৰুদ্ধে ইতিপূৰ্বে এম জি এনৰেগা, প্ৰধানমন্ত্ৰী আৱাস যোজনাৰ লগতে অন্যান্য বহু আঁচনিক অধীনত ভূৱা হিতাধিকাৰীৰ একাউণ্ট খুলি লক্ষাধিক টকা আত্মসাৎ কৰাৰ অভিযোগ উত্থাপিত হৈছিল ৷ ব্যক্তিগৰাকীৰ বিৰুদ্ধে খাৰুপেটীয়া আৰক্ষী থানাত এই সংক্ৰান্তত ভাৰতীয় দণ্ডবিধিৰ 352/20 ধাৰাৰ অধীনত 417/419/406/409/420/34 নম্বৰত এক গোচৰ ৰুজু কৰা হৈছে ৷ আটকাধীন সহিদুল ইছলাম নামৰ ব্যক্তিগৰাকী ৰাজনৈতিক দল এআইইউডিএফ-ৰ 1/2 বৰুৱাঝাৰ গাঁৱৰ যুৱ মৰ্চাৰ আঞ্চলিক সমিতিৰ সভাপতি পদত ন্যস্ত আছিল ৷ ঘটনা সন্দৰ্ভত তদন্ত অব্যাহত ৰাখিছে দৰং আৰক্ষীয়ে ৷

লগতে চাওকঃগুৱাহাটীত ক’ভিড আক্ৰান্তৰ চিতাৰ জুইয়ে ছানি ধৰিছে আকাশ