মঙলদৈত ভূৱনেশ্বৰ কলিতাৰ হৈ ৰকিবুলৰ নিৰ্বাচনী সভা

অগপৰ তিনি জন নেতাই কাৰোবাৰ ভৰিত ধৰি মন্ত্ৰী হৈ থকাটো তৃণমূল পৰ্যায়ৰ কৰ্মী সকলে ভাল পোৱা নাই বুলিও মন্তব্য হুছেইনৰ ৷

মঙলদৈ, ১৪ এপ্ৰিলঃ মঙলদৈ বিধান সভা সমষ্টিৰ পূব মঙলদৈত ভুৱনেশ্বৰ কলিতাৰ হৈ ৰকিবুল হুছেইনৰ নিৰ্বাচনী প্ৰচাৰ । প্ৰধান মন্ত্ৰী নৰেন্দ্ৰ মোদীৰ লগতে হিমন্ত বিশ্ব শৰ্মাক সমালোচনা ৰকিবুলৰ ।

নিৰ্বাচনী সভাত ৰকিবুল হুছেইনে নৰেন্দ্ৰ মোদীয়ে মেক ইন ইন্দিয়া. ডিজিটেল ইণ্ডিয়াৰ যিবোৰ আঁচনি আনিলে সৰ্বসাধাৰণ লোক কিন্তু তিলমানো তাৰপৰা উপকৃত হোৱা নাই বুলি মন্তব্য কৰে । লগতে অগপৰ তিনি জন নেতাই কাৰোবাৰ ভৰিত ধৰি মন্ত্ৰী হৈ থকাটো তৃণমূল পৰ্যায়ৰ কৰ্মী সকলে ভাল পোৱা নাই বুলিও মন্তব্য হুছেইনৰ ৷ ভাষণ প্ৰসংগত হুছেইনে এইবাৰ ৰাহুল গান্ধী ভাৰতৰ প্ৰধানমন্ত্ৰী হব বুলি কোৱাৰ লগতে ভুৱনেশ্বৰ কলিতা জয়ী হলে আপোনালোকৰ সকলো সমস্যা সমাধান কৰি দিব বুলি কয় উপস্থিত ৰাইজৰ ওচৰত ।