অনুষ্টুপীয়া কাৰ্যসূচীৰে দৰঙত দুৰ্গা পূজা পালন

বিশ্বৰ ইতিহাসত 2020 বৰ্ষতো যেন এক আতংকময় দিন হিচাপে পৰিগণিত হৈ ৰ'ব চিৰদিন ৷ মহামাৰীৰ পয়োভৰৰ বাবে হয়তো প্ৰথমবাৰৰ দেশবাসীয়ে অনুষ্টুপীয়াকৈ পালন কৰিছে বহু অপেক্ষিত উৎসৱ-পাৰ্বন ৷

দৰং, 23 অক্টোবৰ: সকলো পূজা সমিতিয়ে জাক-জমকতা পৰিহাৰ কৰি কেৱল ধৰ্মীয় আনুষ্ঠানিকতৈ ৰক্ষা কৰি আয়োজন কৰিছে দুৰ্গা পূজা ৷ এইবাৰ শাৰদীয় দুৰ্গোৎসৱত নাই পূৰ্বৰ উচাহ ৷ আগৰ দৰে এইবাৰ পূজা উপলক্ষে নাথাকিব মেলা বা অস্থায়ী দোকানো ৷

COVID প্ৰট'কল মানি সকলো পূজা সমিতিয়েই আগবাঢ়ি আহিছে দুৰ্গা দেৱীৰ স্তুতিৰ বাবে

কিন্তু জাক-জমকতা নহ'লেও, জন সমাগম নহ'লেও COVID প্ৰট'কল মানি সকলো পূজা সমিতিয়েই আগবাঢ়ি আহিছে দুৰ্গা দেৱীৰ স্তুতিৰ বাবে ৷ চৰকাৰে জাৰি কৰা নিয়ম অনুসৰিয়েই মঙলদৈতো মীমিত কাৰ্যসূচী আৰু লোকেৰে দেখিবলৈ পোৱা গ'ল পূজাৰ আনুষ্ঠানিকতা ৷

লগতে পঢ়ক:আজি মহাসপ্তমী: গুৱাহাটীত কোভিড নিয়মৰ মাজেৰেই চলিছে পূজা