দৰং, ২৬ জুন : ৰাজ্যখনত কোভিড-১৯ ত আক্ৰান্তৰ সংখ্যা দিনক দিনে বৃদ্ধি পোৱাৰ প্ৰতি লক্ষ্য ৰাখি ইয়াৰ সংক্ৰমণ ৰোধৰ অৰ্থে ৰাজ্য চৰকাৰৰ নিৰ্দেশাৱলীৰ ভিত্তিত দৰং জিলাতো শনি আৰু দেওবাৰে পৌৰসভা আৰু নগৰ সমিতি এলেকাত সকলো ধৰণৰ বজাৰ-সমাৰ বন্ধ ৰখাৰ নিৰ্দেশ প্ৰদান কৰিছে । এই নিৰ্দেশনা অনুসৰি, মংগলদৈ পৌৰ সভা, খাৰুপেটীয়া পৌৰ সভা আৰু ছিপাঝাৰ পৌৰ সভা এলেকাত ২৭ জুনৰ পৰা কাৰ্যকৰী হোৱাকৈ প্ৰতি শনি আৰু দেওবাৰে সম্পূৰ্ণ লক্ ডাউন প্ৰযোজ্য হ'ব ।
আনহাতে, ২৭ জুনৰ পৰা বলবৎ হোৱাকৈ সন্ধিয়া ৭ বজাৰ পৰা পুৱা ৭ বজালৈ জিলাখনত সান্ধ্য আইন জাৰি কৰা হৈছে । অৱশ্যে জৰুৰীকালীন সেৱাসমূহক এই নিৰ্দেশনাৰ আওতাত ৰেহাই দিয়া হৈছে ।