খাৰুপেটীয়াত জব্দ বৃহৎ পৰিমাণৰ কফ চিৰাপ

শুকুৰবাৰে দৰং জিলাত বৃহৎ পৰিমাণৰ ড্ৰাগছ জব্দ কৰিবলৈ সক্ষম হয় ৷ দৰং আৰক্ষীৰ অধীক্ষকৰ নিৰ্দেশ মৰ্মে দৰঙৰ খাৰুপেটীয়াৰ নাগাজানত চলোৱা এক যুটীয়া অভিযানত অবৈধ ড্ৰাগছখিনি জব্দ কৰিবলৈ সক্ষম হয় ৷ উক্ত অভিযানত আৰক্ষীয়ে দুগৰাকী লোকক আটক কৰিবলৈ সক্ষম হৈছে ৷

দলগাঁও, 31 জুলাই : ৰাজ্যত ক'ভিড-19 আৰু বানপানীৰ তাণ্ডৱ অব্যাহত থকাৰ মাজতে শুকুৰবাৰে দৰং জিলাত বৃহৎ পৰিমাণৰ কফ চিৰাপ জব্দ কৰিবলৈ সক্ষম হয় ৷ দৰং আৰক্ষীৰ অধীক্ষকৰ নিৰ্দেশ মৰ্মে দৰঙৰ খাৰুপেটীয়াৰ নাগাজানত চলোৱা এক যুটীয়া অভিযানত অবৈধ ড্ৰাগছখিনি জব্দ কৰিবলৈ সক্ষম হয় ৷ খাৰুপেটীয়া আৰু ধূলা আৰক্ষীৰ যুটীয়া অভিযানত জব্দ কৰা হয় বৃহৎ পৰিমাণৰ নিষিদ্ধ সামগ্ৰীখিনি ৷

খাৰুপেটীয়াত আৰক্ষীৰ অভিযানত বৃহৎ পৰিমাণৰ কফ চিৰাপ জব্দ

লগতে, উক্ত অভিযানত আৰক্ষীয়ে দুগৰাকী লোকক আটক কৰিবলৈ সক্ষম হৈছে ৷ আটকাধীন লোক দুজন পানবাৰীৰ চহিদুল ইছলাম আৰু ঢলপুৰৰ ইনচান আলী বুলি আৰক্ষী সূত্ৰই প্ৰকাশ কৰিছে ৷

অভিযোগ অনুসৰি,খাৰুপেটীয়া হস্পাতাল ৰোড,পানবাৰী ৰোড,ঘোষপট্টি,বলোগড়াকে ধৰি অন্যান্য অঞ্চলত নিষিদ্ধ ড্ৰাগছৰ ৰমৰমীয়া বেহা চলি আহিছিল । উল্লেখযোগ্য যে,গ্ৰেপ্তাৰ হোৱা দুই অভিযুক্ত ইয়াৰ পূৰ্বেও আৰক্ষীৰ জালত পৰি ৰঙা ঘৰৰ আলহী হ'বলগীয়া হৈছিল ।

লগতে পঢ়ক : সৰপথাৰত যুৱকৰ প্ৰচেষ্টাত প্ৰাণ পাই উঠিছে সেউজী পাম