HS final result 2022: দৰঙত উজলিল বিকিৰণ-দিক্ষিতা

উচ্চতৰ মাধ্যমিকৰ চূড়ান্ত পৰীক্ষাত শীৰ্ষ 10 ত স্থান নিশ্চিত কৰিবলৈ সক্ষম হ’ল দৰঙৰ দুই কৃতী শিক্ষাৰ্থী(HS final result 2022) ৷ ৪৭৫ নম্বৰেৰে কলা শাখাত দিক্ষিতা চহৰীয়াই অষ্টম স্থান আৰু বিজ্ঞান শাখাত বিকিৰণ নাথে নৱম স্থান দখল কৰিবলৈ সক্ষম হয় ৷

দৰং, 27 জুন :উচ্চতৰ মাধ্যমিকৰ চূড়ান্ত পৰীক্ষাত ৰাজ্যৰ ভিতৰত শীৰ্ষ স্থান দখল কৰিবলৈ সক্ষম হ’ল দৰঙৰ দুই কৃতি শিক্ষাৰ্থী ৷ শীৰ্ষ 10 ৰ ভিতৰত স্থান লাভ কৰি বিকিৰণ নাথ আৰু দিক্ষিতা চহৰীয়াই জিলাখনলৈ কঢ়িয়াই আনিলে গৌৰৱ ৷

দিক্ষিতা চহৰীয়াই কলা শাখাত দখল কৰিলে অষ্টম স্থান ৷ দিক্ষিতা দিপীলাৰ এন আৰ ডি এছ চিনিয়ৰ ছেকেণ্ডাৰী বিদ্যালয়ৰ ছাত্ৰী ৷ তেওঁ সৰ্বমুঠ 475 নম্বৰ লাভ কৰিছে ৷ ভবিষ্যতে এগৰাকী প্ৰশাসনিক বিষয়া হোৱাৰ মন দিক্ষিতাৰ ৷

আনহাতে বিকিৰণ নাথে বিজ্ঞান শাখাত নৱম স্থান দখল কৰিবলৈ সক্ষম হয় ৷ তেওঁ ৰামানুজন চিনিয়ৰ চেকেণ্ডেৰী স্কুলৰ(Ramanujan Senior Secondary School) পৰা বিজ্ঞান শাখাত ৪৭৫ নম্বৰ লাভ কৰি এই সুনাম কঢ়িয়াবলৈ সক্ষম হয় । বিকিৰণ নাথ মঙলদৈ মিলনপুৰ নিবাসী শিক্ষক অজয় কুমাৰ নাথ আৰু শিক্ষয়িত্ৰী ৰঞ্জুৰাণী নাথৰ পুত্ৰ ৷

লগতে পঢ়ক :HS final result 2022: চিকিৎসক হোৱাৰ সপোন ডিব্ৰুগড়ৰ অভিলাষা দত্তৰ