দৰং,18 নৱেম্বৰঃসন্দেহজনক নাগৰিকৰ সৈতে মিলি খিলিঞ্জীয়া অসমীয়াই কৃষি কৰ্ম কৰা কেইবা বিঘা মাটি বেদখল কৰাৰ অভিযোগ আলোচনা পন্থী আলফা নেতা ৰঞ্জু ওৰফে প্ৰাণজিত শইকীয়াৰ বিৰুদ্ধে । এই অভিযোগ উত্থাপন কৰিছে ব্ৰহ্মপুত্ৰ যুটীয়া কৃষিপাম সমবায় সমিটি লিমিটেড নামৰ সমবায়খনে ।
উল্লেখযোগ্য যে, সমবায় খনৰ বিষয়ববীয়াই সাংবাদিকক প্ৰদান কৰা তথ্য অনুসৰি 1986 চনৰ পৰাই গুৱাহাটী উচ্চতম ন্যায়ালয়ৰ পৰা যাৱতীয় অনুমতি গ্ৰহণ কৰি বিগত 34 বছৰে খেতি কৰি আহিছিল ব্ৰহ্মপুত্ৰ চৰ চাপৰিৰ মোৱামাৰী গাঁৱত। সমবায় ভিত্তিত বহু বিঘা ভূমিত কৰা এই কৃষি কাৰ্যই নিশ্চিতৰূপে বাধা দি আদিছিল সন্দেহজনক নাগৰিকৰ অগ্ৰাসনক। কিন্তু আলফা নেতাজনে একাংশ সন্দেহজনক নাগৰিকক লগত লৈ সমাবায় সমিটিখনক ভয়-ভাবুকি দি মাটি বেদখলক লৈ উদ্বিগ্ন হৈ পৰিছে সমবায় সমিটিখন। সমবায় সমিতিয়ে কৃষি কৰ্ম কৰা ভূমিখিনি দখল কৰি আলোচনাপন্থী আলফাই ইতিমধ্যে সেই স্থানত নিৰ্মাণ কৰিছে এটা কেম্প ৷