দৰঙত জালনোট সহ আটক দুজন সৰৱৰাহকাৰী

ধূলা আৰক্ষীৰ অভিযানত ফকীৰপাৰা লাইন হোটেলৰ সন্মুখৰ পৰা তিনি লাখ টকাৰ জাল নোট সহ দুগৰাকী জাল নোট সৰ্বৰাহকাৰী আটক কৰা হয় ৷ আটকাধীন লোক দুজন জাকিৰ হুছেইন আৰু আব্দুল কোড্ডুছ বুলি আৰক্ষীয়ে প্ৰকাশ কৰে ৷

দৰং,22অক্টোবৰ: দৰঙৰ ধূলা আৰক্ষীৰ বৃহৎ সফলতা ৷ ধূলা আৰক্ষীয়ে তিনি লাখ টকাৰ জাল নোট সহ দুগৰাকী জাল নোট সৰবৰাহকাৰীক আটক কৰিবলৈ সক্ষম হয় ৷ আটকাধীন লোক দুজন বৰঝাৰ গাঁৱৰ জাকিৰ হুছেইন আৰু আব্দুল কোড্ডুছ বুলি জানিব পৰা গৈছে ৷ ফকীৰপাৰা লাইন হোটেলৰ সন্মুখৰ পৰা আটক কৰা হয় ধৃত লোক দুজনক । গোপন সূত্ৰৰ পম খেদি ধূলা থানাৰ ভাৰপ্ৰাপ্ত বিষয়া কল্যান বৰা আৰু উপ পৰিদৰ্শক মুন্নাফ আলিয়ে অভিযান চলায় আটক কৰে জাল নোট সৰৱৰাহকাৰী দুজনক ৷

দৰঙত জালনোট সহ আটক দুজন সৰৱৰাহকাৰী

স্থানীয় ৰাইজৰ অভিযোগ অনুসৰি, ধূলা আৰক্ষী থানাৰ অন্তৰ্গত ভেৰভেৰী গাঁৱত পূৰ্বৰ পৰাই চলি আছিল জাল নোটৰ ব্যৱসায় ৷ নোট সমূহ এফালে প্ৰিন্ট কৰা আছিল কিন্তু আনফালে প্ৰিন্ট কৰা নাই । আৰক্ষীয়ে প্ৰকাশ কৰা তথ্য অনুসৰি,এক পৃষ্ঠাত প্ৰিন্ট কৰা 500 টকীয়া নোট 600 খন আছিল ।

অন্য এক খবৰৰ বাবে: ক'ভিড প্ৰটকলেৰে ৰাজ্যত পালন ষষ্ঠী!