দৰং, ২৩ মে':দৰং জিলাৰ মঙলদৈৰ চৰ অঞ্চলত আৰক্ষীৰ এক বৃহৎ অভিযান । আৰক্ষীৰ অভিযানত জব্দ ৫ টা হস্তনিৰ্মিত ৰাইফল, ৮ যোৰ ভাৰতীয় সেনাৰ পোছাক আৰু এযোৰ আৰক্ষীৰ পোছাক । লগতে দৰং আৰক্ষীয়ে বেলেগ বেলেগ ঠাইৰ পৰা ডকাইতৰ সন্দেহত দুজন লোকক আটক কৰে । দুয়োজন ক্ৰমে ধূলা থানাৰ অন্তৰ্গত ধনশ্ৰীকাষ গাঁৱৰ হাৰুনুল ৰচিদ আৰু বান্দিয়া গাঁৱৰ চহৰ আলী ।
মঙলদৈত অস্ত্ৰসহ আটক দুজন
৫৪০/২০২০ নম্বৰৰ এক গোচৰৰ ভিত্তিত আৰক্ষীয়ে অনুসন্ধান চলাই লোক দুজনক আটক কৰে । গোচৰটো হৈছে এটা ডকাইতি ঘটনাৰ । মঙলদৈ সদৰ সহকাৰী আৰক্ষী অধীক্ষক মামনি হাজৰিকাই জনোৱা মতে বিগত বছৰৰ ১১ ডিচেম্বৰত ধনশ্ৰীকাষ গাঁৱৰ গৰীব আলীৰ ঘৰত এটা ডকাইতৰ দলে লুণ্ঠন চলাইছিল ।