দৰঙত দুৰ্বল দলঙেৰে বিজেপিৰ উন্নয়ন তুংগত

বিধায়ক ইলিয়াচ আলিৰ উন্নয়নৰ প্ৰকৃত নমুনা । দৰঙত ১৫ বছৰীয়া কাৰ্যকালতো নহ'ল পকী দলং । "দুৰ্বল দলঙৰ ওপৰেদি যান বাহন যোৱা নিষেধ "ফলক আৰি দায়িত্ব সামৰিছে গড়কাপ্তানী বিভাগে ।

দলগাঁও,13 অক্টোবৰঃএখন ভঙা দলঙে উদঙাই দিছে দলগাঁও সমষ্টিৰ বিধায়ক ইলিয়াচ আলিৰ ১৫ বছৰীয়া ৰাজত্বত উন্নয়নৰ প্ৰকৃত নমুনা। নিৰ্বাচনৰ সময়ত প্ৰতিশ্ৰুতি দি ১৫ বছৰ অতিক্ৰম কৰা বিধায়ক গৰাকীয়ে খাৰুপেটীয়াৰ গাতে লাগি থকা এন চি খেতাশ্বৰ গাঁৱৰ কালাপানী নদীৰ ওপৰত থকা জৰাজীৰ্ণ কাঠৰ দলংখনৰ ঠাইত নিৰ্মাণ কৰিব নোৱাৰিলে এখন পকী দলং । যাৰ ফলত বছৰ বছৰ ধৰি ধলংপলং কাঠৰ দলঙেৰে যাতায়ত অব্যাহত ৰাখিছে আৰিমাৰি-শ্যামপুৰঅঞ্চলৰ হাজাৰ হাজাৰ লোক ।

ধলংপলং কাঠৰ দলঙেৰে যাতায়ত অব্যাহত

ইফালে যি কোনো সময়ত দুৰ্ঘটনা সংঘটিত হোৱাৰ ভয়ত দুৰ্বল দলঙৰ ওপৰেদি যান বাহন যোৱা নিষেধ ফলক আৰি বিয়াগোম গড়কাপ্তানী বিভাগটোৱে দায়িত্ব সামৰিছে যদিও জৰাজীৰ্ণ দলঙৰ ওপৰেদি অব্যাহত আছে মালভৰ্তি ট্ৰেক্টৰকে আদি কৰি সকলো ধৰণৰ যান বাহনৰ চলাচল ।

বিধায়ক ইলিয়াচ আলিৰ উন্নয়নৰ প্ৰকৃত নমুনা

লগতে চাওকঃ সাংবাদিক অনিমেষ বৰ্মনক আক্ৰমণৰ বিৰুদ্ধে নলবাৰীত প্ৰতিবাদ