দৰং,23 জুলাইঃ ক'ভিড 19 মহামাৰী ৰোগৰ ত্ৰাসত ত্ৰস্তমান সমগ্ৰ পৃথিৱী ৷ ব্যতিক্ৰম নহয় অসমো । মহামাৰীৰ বিষম পৰিস্থিতিৰ সন্মুখীন হৈছে সমগ্ৰ দেশৰ জনসাধাৰণ। ৰাজ্যৰ ক'ভিড আক্ৰান্ত ৰোগী কোৱাৰান্টাইন হৈ আছে চিকিৎসালয়ত ৷
কোৱাৰেন্টাইন কেন্দ্ৰত সমূহীয়া নাম জুৰিলে COVID আক্ৰান্তই শেহতীয়াকৈ দৰঙৰ জনাৰাম চৌকাৰ আদৰ্শ চিকিৎসালয়ৰ কোৱাৰেন্টাইন কেন্দ্ৰত আবদ্ধ হৈ থকা ক'ভিড আক্ৰান্ত ৰোগীসকলে সমজুৱাকৈ কৰিছে নাম- প্ৰসংগ ৷ শিশুৰ পৰা বৃদ্ধলৈকে সকলোৱে অংশগ্ৰহণ কৰিছে এই নাম প্ৰসংগত ৷ সকলোৱে আশা কৰিছে তেওঁলোকে COVID-19ৰ দৰে মহামাৰীৰ সৈতে যুঁজ দিবলৈ সাহস পাওক আৰু লগতে সোনকালেই এই মহামাৰী নিৰ্মূল হওক ৷
