দৰঙৰ ঐতিহাসিক ধলপুৰ শিৱমন্দিৰত উচ্ছেদ

দৰঙৰ ঐতিহাসিক ধলপুৰ শিৱমন্দিৰৰ 180 বিঘা ভূমিত কিছু সন্দেহযুক্ত নাগৰিকে বেদখল কৰি অহাৰ পাচতে স্থানীয় দল-সংগঠনে উচ্ছেদ কৰাৰ বাবে প্ৰশাসনৰ ওচৰত দাবী জনাই আহিছিল ৷ সোমবাৰে দৰং প্ৰশাসনে শিৱমন্দিৰৰ ১৮০ বিঘা ভূমিত উচ্ছেদ অভিযান চলাই বেদখলমুক্ত কৰে ৷

দৰং,11 জানুৱাৰী: দৰঙৰ ঐতিহাসিক ধলপুৰ শিৱমন্দিৰৰ 180 বিঘা ভূমিত দৰং প্ৰশাসনৰ উচ্ছেদ অভিযান ৷ দীৰ্ঘদিনৰ পৰা কিছু সন্দেহযুক্ত নাগৰিকে বেদখল কৰি অহা দেখি স্থানীয় দল-সংগঠনে প্ৰশাসনৰ ওচৰত উচ্ছেদ কৰাৰ বাবে দাবী জনাই অহাৰ পাচতে সোমবাৰে উচ্ছেদ চলাই দৰং প্ৰশাসনে ৷ মন্দিৰটোৰ 180 বিঘা ভূমিত বেদখলকাৰীয়ে দীৰ্ঘদিনে ঘৰবাৰী সাজি খেতি কৰি আছিল ৷

উল্লেখ্য যে,ইয়াৰ আগতেও ধলপুৰৰ একে স্থানতে 2018 চনত প্ৰশাসনে উচ্ছেদ চলাই বেদখলমুক্ত কৰিছিল যদিও পুনৰ 180 বিঘা মাটিত সন্দেহযুক্ত নাগৰিকে বেদখল কৰে ৷ দল-সংগঠনৰ হেঁচাৰ পাচতে প্ৰশাসনে তাৎক্ষণিকভাবে 180 বিঘা বেদখল ভূমিত উচ্ছেদ চলাই যদিও অঞ্চলটোৰ প্ৰায় 400 বিঘা মাটি এতিয়াও বেদখল হৈ আছে ৷

লগতে পঢ়ক:আকাশলংঘী মূল‍্যবৃদ্ধি স্বত্বেও ভোগালীৰ বজাৰত গ্ৰাহকৰ ভিৰ