দৰং, 22 জানুৱাৰী : 'কা' বাতিল, ইআইএ ২০২০ প্ৰত্যাহাৰ, অসম চুক্তিৰ ৬ নং দফা ৰূপায়ন আৰু অসম চুক্তি অনুসৰি বিদেশী নাগৰিকত্ব সমস্যা সমাধানৰ দাবীত সদৌ দৰং জিলা ছাত্ৰ সন্থাই শুকুৰবাৰে সন্ধিয়া মঙলদৈ চহৰত জোঁৰ সমদল উলিয়াই সাব্যস্ত কৰে প্ৰতিবাদ ।
দৰং জিলা আছুৰ শ্বহীদ ভৱনৰ পৰা সদৌ অসম ছাত্ৰ সন্থাৰ বিত্তীয় সম্পাদক খনিন্দ্ৰ ৰাজবংশী, ৰাজ্যিক কাৰ্যনিৰ্বাহক সদস্য নিৰঞ্জন শইকীয়া, সদৌ দৰং জিলা ছাত্ৰ সন্থাৰ সভাপতি পৰাগ কুমাৰ চহৰীয়া, সাধাৰণ সম্পাদক সত্যৰঞ্জন ডেকাৰ নেতৃত্বত শতাধিক ছাত্ৰ কৰ্মীয়ে বাহিৰ কৰে এই সমদল ৷