দলগাঁৱত মণিমালাৰ হত্যাকাৰীক ফাঁচীৰ দাবীৰে ৰাইজে উত্তাল কৰিলে শ্মশান

দলগাঁৱত ছাত্ৰী মণিমালাৰ হত্যাকাৰীক ফাঁচীৰ দাবী । উত্তেজিত ৰাইজে মণিমালাৰ হত্যাকাৰীৰ ফাঁচীৰ দাবীৰে উত্তাল কৰিলে শ্মশান ঘাট ৷

দলগাঁও, 29 আগষ্টঃ সহপাঠীৰ ছুৰিকাঘাতত দৰঙৰ দলগাঁৱত মৃত্যু হোৱা মণিমালা ভৌমিক নামৰ ছাত্ৰী গৰাকীৰ মৃতদেহ মৰণোত্তৰ পৰীক্ষাৰ পাছত বুধবাৰে দলগাঁৱলৈ অনাৰ পিছত ছাত্ৰীগৰাকীৰ গাঁওখনৰ ৰাইজৰ মাজত এক উত্তেজনাময় পৰিস্থিতিৰ সৃষ্টি হয় ৷ দলগাঁও উচ্চতৰ মাধ্যমিক বিদ্যালয়ৰ নৱম শ্ৰেণীৰ ছাত্ৰী মণিমালাৰ হত্যাকাৰীৰ ফাঁচীৰ দাবীত একপ্ৰকাৰ প্ৰতিবাদমুখৰ হৈ পৰে স্থানীয় ৰাইজ ৷ হত্যাকাণ্ডটোক কেন্দ্ৰ কৰি গাঁওখনত তীব্ৰ উত্তেজনাই বিৰাজ কৰিছে ৷