দলগাওঁ, 2 মে’: যি সময়ত সমগ্ৰ ভাৰতবৰ্ষত স্বচ্ছতাৰ নামত লাখ লাখ টকা খৰছ কৰা হৈছে তেনে সময়তে সদা ব্যস্ত দলগাওঁ দৈনিক বজাৰৰ কদৰ্যময় ৰূপে স্বচ্ছ ভাৰতৰ নগ্ন স্বৰূপটো উদঙাই দিছে । দলগাওঁ ৰাজহ চক্ৰৰ কাষতে থকা বজাৰ খনৰ কদৰ্যময় পৰিবেশে চিন্তিত কৰি তুলিছে সচেতন মহলক । এজাক বৰষুণতে একাঠু পানী জমা হৈ দুৰ্গন্ধময় পৰিবেশৰ সৃষ্টি হয় দৰঙৰ দলগাঁও গাওঁ পঞ্চায়তৰ অন্তৰ্গত সদাব্যস্ত দলগাঁও দৈনিক বজাৰ খনত । পাচলি, ফলমূল, মাছ, মাংস, কাপোৰ, গেলামালকে আদি কৰি বিভিন্ন ধৰণৰ দোকানৰ কাষতে জাবৰ জোথৰৰ দম আৰু জমা হোৱা একাঠু বোকা পানীয়ে অতিষ্ঠ কৰি তুলিছে ব্যবসায়ী তথা গ্ৰাহকক ।
স্বচ্ছ ভাৰত অভিযানক লজ্জানত কৰিব পৰা এখন বজাৰৰ ছবি