দৰং, 21 এপ্ৰিল : প্ৰায় এবছৰৰ মূৰতো সম্পূৰ্ণ নহল মঙলদৈ অসামৰিক চিকিৎসালয়ৰ ক’ভিড আই চি ইউ । এফালে দৰঙত ক'ভিডৰ বিভীষিকা, আনফালে স্বাস্থ্য বিভাগৰ চুড়ান্ত হেমাহি । ফলস্বৰূপে জীয়াতু ভুগিব লগা হৈছে দৰঙবাসী । বুধবাৰৰ দিনটোলৈকে জিলাখনত মুঠ ১২৮ জনৰ দেহত ক’ভিড-19 অৱস্থিতি ধৰা পৰিছে ।
ৰাজ্যত ক'ভিডৰ দ্বিতীয় লহৰে ভয়ানক ৰূপ ধাৰণ কৰিছে । সমান্তৰালকৈ দৰঙত ভনায়ক ৰূপত বৃদ্ধি পাবলৈ ধৰিছে ক’ভিড-19 ৰ সংক্ৰমণ । দৰঙত ক'ভিড আই চি ইউ অভাৱৰ বাবে মৃত্যুৰ সৈতে যুঁজ দিব লগা হৈছে ক'ভিড ৰোগীয়ে । মন কৰিবলগীয়া যে, এবছৰ আগতেই ক'ভিড ৰোগীৰ কাৰণে স্বাস্থ্য মন্ত্ৰী হিমন্ত বিশ্ব শৰ্মাই মঙলদৈ অসামৰিক চিকিৎসালয়ত এটা ক’ভিড আই চি ইউ নিৰ্মাণৰ অনুমোদন দিছিল ; কিন্তু এতিয়ালৈ সম্পূৰ্ণ হৈ নুঠিল আই চি ইউৰ নিৰ্মানৰ কাম ।
এবছৰতো সম্পূৰ্ণ নহল মঙলদৈ অসামৰিক চিকিৎসালয়ৰ ক’ভিড আই চি ইউ