দলগাঁও, 10 ফেব্ৰুৱাৰী:শিশু শ্ৰমিক উদ্ধাৰৰ উদ্দেশ্যে বুধবাৰে দৰং জিলা শিশু সুৰক্ষা ব’ৰ্ডে চলোৱা অভিযানৰ পাছতে 15 নং ৰাষ্ট্ৰীয় ঘাইপথত এক উত্তপ্ত পৰিস্থিতিৰ উদ্ভৱ হোৱা পৰিলক্ষিত হয় ৷ ঘটনাৰ বিৱৰণী অনুসৰি দৰং জিলা শিশু সুৰক্ষা ব’ৰ্ডে খাৰুপেটীয়াস্থিত বিভিন্ন হোটেল আৰু দোকানত কৰ্মৰত অৱস্থাত থকা 12 গৰাকী শিশু শ্ৰমিকক উদ্ধাৰ কৰি গাড়ীত উঠাই লৈ যাবলৈ উলোৱাৰ পাছতে অঞ্চলটোত এক উত্তপ্ত পৰিস্থিতিৰ সৃষ্টি হয় ৷
ঘটনাক লৈ 15 নং ৰাষ্ট্ৰীয় ঘাইপথত উত্তপ্ত পৰিস্থিতি
স্থানীয় ৰাইজে জানিবলৈ দিয়ে আৰক্ষী অবিহনে শিশু সুৰক্ষা ব’ৰ্ডে অতৰ্কিতে অভিযান চলোৱাত তেঁওলোক আতংকিত হৈ পৰে ৷ শিশু শ্ৰমিক কেইজনক অপৰাধীৰ দৰে জোৰ জবৰদস্তি কৰি গাড়ীত তোলা বুলিও ৰাইজে অভিযোগ কৰে ৷