ন্যায়িক যুঁজ চলি থকাৰ মাজতে উটৰ মৃত্যু

দৰঙৰ ধূলা আৰক্ষীয়ে জব্দ কৰা পাঁচটা উটৰ মাজৰে এটা উটৰ মৃত্যু ৷ উট কেইটাক লৈ আদালতৰ মজিয়াত ন্যায়িক যুঁজ চলি থকাৰ সময়তে মৃত্যু হয় এটা উটৰ ৷

দৰং, 27 আগষ্টঃ দৰঙৰ ধূলা আৰক্ষীয়ে 10 আগষ্টত জব্দ কৰা পাঁচটা উটৰ মাজৰে এটা উটৰ মঙলবাৰে মৃত্যু হয় ৷ উট কেইটাক লৈ আদালতৰ মজিয়াত ন্যায়িক যুঁজ চলি থকাৰ সময়তে মৃত্যু হয় উটটোৰ ৷ প্ৰাপ্ত তথ্য মতে,টাংনী সাপ্তাহিক বজাৰত ঈদ উপলক্ষে বিক্ৰীৰ বাবে হাৰিয়ানাৰ পৰা অনা 5 টা উট জব্দ কৰি ধূলা আৰক্ষীয়ে থানাত আবদ্ধ কৰি ৰাখিছিল। ঘটনাস্থলীত পশু চিকিৎসকৰ এটা দল উপস্থিত হৈ উটটোৰ মৰণোত্তৰ পৰীক্ষা সম্পন্ন কৰে ৷ উল্লেখ্য যে,খাদ্যাভ্যাস আৰু জলবায়ুৰ পৰিৱৰ্তনৰ বাবেই উটটোৰ মৃত্যু হয় বুলি জানিব পৰা গৈছে ৷