দৰং, 27 মে':বহিঃৰাজ্যৰ পৰা অহা লোকেৰে ক্ৰমাৎ ভৰি পৰিছে ৰাজ্যৰ কোৱাৰেন্টাইন কেন্দ্ৰসমূহ ৷ যাৰবাবে বিভিন্ন সমস্যাৰ সন্মুখীন হ'বলগীয়া হৈছে স্বাস্থ্য বিভাগৰ লগতে জিলা প্ৰশাসনসমূহ ৷ ইয়াৰ মাজতে কোৱাৰেণ্টাইন কেন্দ্ৰসমূহত লাহে লাহে বিশেষকৈ বিছনা-পাতিৰ অভাৱ হ'ব বুলি উল্লেখ কৰি যদিহে কাৰোবাৰ অতিৰিক্ত বিছনা, খাট আছে তেনেহ'লে স্বেচ্ছাই প্ৰশাসনক ব্যৱহাৰ কৰিবলৈ দি জনসাধাৰণৰ উপকাৰ কৰিবলৈ আহ্বান জনাইছিল দৰঙৰ উপায়ুক্তই ৷ ইয়াৰ পাছতে জিলা উপায়ুক্তগৰাকীৰ আহ্বানৰ প্ৰতি সহাৰি জনাই বিছনা দান দিবলৈ আগবাঢ়ি আহিছে বিশিষ্ট ব্যৱসায়ী দুলাল হীৰা ৷
দৰঙত কোৱাৰেন্টাইন কেন্দ্ৰলৈ 30 খন বিছনা দান ব্যৱসায়ীৰ
জিলা উপায়ুক্তগৰাকীৰ আহ্বানৰ প্ৰতি সঁহাৰি জনাই বিছনা দান দিবলৈ আগবাঢ়ি আহিছে বিশিষ্ট ব্যৱসায়ী দুল হীৰা ৷
দৰঙত কোৱাৰেন্টাইন কেন্দ্ৰলৈ 30 খন বিচনা দান ব্যৱসায়ীৰ
মঙলদৈ চহৰৰ এই গৰাকী সমাজহিতৈষী ব্যৱসায়ীয়ে উপায়ুক্তগৰাকীৰ আহ্বানক সন্মান জনাই বহিঃৰাজ্যৰ পৰা অহা লোকসকলক ৰাখিব পৰাকৈ কোৱাৰেন্টাইন কেন্দ্ৰৰ বাবে প্ৰশাসনক প্ৰদান কৰিলে 30 খন নতুন বিছনা ৷ প্ৰশাসনক গতাই দিবৰ বাবে ইতিমধ্যেই প্ৰস্তুত কৰি তোলা হৈছে বিছনা কেইখন ৷ লগতে যিসকলে পাৰে তেঁওলোকক এই সংকটৰ সময়ত চৰকাৰ তথা প্ৰশাসনক সহায় কৰিবলৈ আহ্বান জনাই ব্যৱসায়ীগৰাকীয়ে ৷
লগতে পঢ়কঃকোৱাৰেন্টাইন কেন্দ্ৰত নিয়ম উলংঘা কৰিলে বৃদ্ধি পাব কোৱাৰেন্টাইনৰ ম্যাদঃ হিমন্ত বিশ্ব শৰ্মা