Irrigation project in BTC: বিটিচিৰ গাঁৱে গাঁৱে কৰা হ’ব জলসিঞ্চনৰ ব্যৱস্থা: প্ৰমোদ বড়ো

SOPD শিতানৰ অধীনত বিটিচিত নিৰ্মাণ কৰি থকা জলসিঞ্চন প্ৰকল্প পৰিদৰ্শন প্ৰমোদ বড়োৰ ৷ 3 কোটি টকা ব্যয় সাপেক্ষে নিৰ্মাণ কৰা হৈছে এই জলসিঞ্চন প্ৰকল্প (Irrigation project in BTC) ৷ বিটিচিত গাঁৱে গাঁৱে জলসিঞ্চনৰ ব্যৱস্থা কৰা হ’ব বুলি মন্তব্য প্ৰমোদ বড়োৰ ৷

দৰং, 13 ফেব্ৰুৱাৰী: বিটিচিত গাঁৱে গাঁৱে কৃষি ভূমিত জলসিঞ্চন সুবিধা দিয়া হ’ব ৷ এই মন্তব্য বিটিআৰ প্ৰধান প্ৰমোদ বড়োৰ ৷ সোমবাৰে বিটিচিৰ মুদৈবড়ী পৰিষদীয় সমষ্টিৰ চাণ্ডোৱালপাৰা গাঁৱত নিৰ্মাণৰত জলসিঞ্চন আঁচনি পৰিদৰ্শন কৰে প্ৰমোদ বড়োৱে (BTR Chief Pramod Boro) ৷ SOPD আঁচনিৰ অধীনত 3 কোটি ব্যয় সাপেক্ষে নিৰ্মাণ কৰি থকা এই জলসিঞ্চন প্ৰকল্প (Irrigation project in BTC) ৷

প্ৰায় 250 হেক্টৰ কৃষি ভূমিত জলসিঞ্চনৰ সুবিধাৰ বাবে বিটিচিত ইতিমধ্যে 661 মিটাৰ নলা নিৰ্মাণ কৰা হৈছে ৷ প্ৰমোদ বড়োৱে প্ৰায় 2 কিলোমিটাৰ খোজকাঢ়ি পৰিদৰ্শন কৰে এই প্ৰকল্পটো ৷ প্ৰমোদ বড়োৰ লগত উপস্থিত থাকে জলসিঞ্চন বিভাগৰ ই এম দিগন্ত বৰুৱা আৰু টংলা জলসিঞ্চন বিভাগৰ কাৰ্যবাহী বিষয়া (Irrigation project by BTC govt) ৷

আঁচনি পৰিদৰ্শন কৰি প্ৰমোদ বড়োৱে সংবাদমাধ্যৰ আগত কৃষকসকলৰ সুবিধাৰ বাবে পৰ্যাপ্ত জলসিঞ্চনৰ ব্যৱস্থা কৰা হ’ব বুলি সদৰী কৰে ৷ লগতে তেওঁ কয়, ‘‘SOPD আঁচনিৰ অধীনত প্ৰথমবাৰৰ বাবে কোকৰাঝাৰ জিলাৰ হল্টুগাঁৱত 7 কোটি, ওদালগুৰি জিলাৰ লক্ষীবান্ধত 8 কোটি আৰু চাণ্ডোৱালপাৰাত 3 কোটি দিয়া হৈছে (SOPD scheme) ৷’’

ইফালে, মুখ্যমন্ত্ৰী হিমন্ত বিশ্ব শৰ্মাৰ প্ৰশংসাতো পঞ্চমুখ হ’ল প্ৰমোদ বড়ো ৷ হিমন্ত বিশ্ব শৰ্মাৰ (Himanta Biswa Sarma) নেতৃত্বত অসমৰ কৃষকৰ উন্নতি হৈছে বুলি মন্তব্য প্ৰমোদ বড়োৰ ৷ লগতে তেওঁ কয়, ‘‘কৃষকৰ ধান প্ৰথমবাৰৰ বাবে চৰকাৰে উচিত মূল্যত ক্ৰয় কৰিছে, যিটো স্বাধীনতাৰ 76 বছৰেও হোৱা নাছিল ।’’

আনহাতে জলসিঞ্চন বিভাগৰ ই এম দিগন্ত বৰুৱাই বাৰিষাৰ পূৰ্বে চাণ্ডোৱালপাৰা জলসিঞ্চন আঁচনিখন সম্পূৰ্ণ হ’ব বুলি সদৰী কৰে ৷ তেওঁ কয়, ‘‘ওদালগুৰি জিলাৰ 70 শতাংষ লোকেই কৃষিজীৱী । এই কৃষিজীৱী ৰাইজৰ সুবিধাৰ্থে আমি জলসিঞ্চনৰ ন ন আঁচনি গ্ৰহণ কৰিছো ৷’’ অনাগত 2-3 বছৰৰ ভিতৰত বিটিচিৰ কৃষকে বৰষুণৰ ওপৰত নিৰ্ভৰ নকৰাকৈ বছৰৰ বাৰ মাহেই খেতি কৰিব পাৰিব বুলিও মন্তব্য কৰে ।

লগতে পঢ়ক : Lok Sabha Election 2024: 2024 ৰ লোকসভা নিৰ্বাচনত কাৰ কাৰ হ’ব মিত্ৰতা ?