দলগাঁৱত দলং নিৰ্মাণৰ দাবীত প্ৰতিবাদত নামিল গাঁওবাসী

সোমবাৰে জৰাজীৰ্ণ দলং নিৰ্মাণৰ দাবীত মৰাবেগা গাঁৱৰ ৰাইজে সমষ্টিৰ বিধায়ক তথা চৰকাৰৰ বিৰুদ্ধে বিভিন্ন শ্লোগানেৰে প্ৰতিবাদ সাব্যস্ত কৰে ৷ লগতে শীঘ্ৰে এখন পকী দলং নিৰ্মাণ কৰাৰ বাবে চৰকাৰৰ ওচৰত দাবী জনাই ভুক্তভোগী ৰাইজে ৷

দলগাঁও, 03 ছেপ্তেম্বৰ: দৰঙৰ এখন জৰাজীৰ্ণ দলঙে জীয়াতু ভোগাইছে দলগাওঁ,মঙলদৈ আৰু কলাইগাঁও সমষ্টিৰ হাজাৰ হাজাৰ লোকক । মৰাবেগা বিল,কুঁৱৰীপুখুৰী,পানবাৰী চাহ বাগিচা আদি গাঁৱৰ ৰাইজে যাতায়ত কৰা একমাত্ৰ দলংখন হৈ পৰিছে জৰাজীৰ্ণ ৷ নব্বৈ দশকতে নিৰ্মাণ কৰা দলং খনৰ দুৰৱস্থাৰ কথা তিনিওটা সমষ্টিৰ বিধায়কক অৱগত কৰিছে যদিও কোনো সুফল পোৱা নাই অঞ্চলবাসীয়ে ৷

সোমবাৰে জৰাজীৰ্ণ দলং খন নিৰ্মাণৰ দাবীত মৰাবেগা গাঁৱৰ ৰাইজে বিভিন্ন শ্লোগানেৰে প্ৰতিবাদ সাব্যস্ত কৰে সমষ্টিৰ বিধায়ক তথা চৰকাৰৰ বিৰুদ্ধে ৷ অতি শীঘ্ৰে এখন পকী দলং নিৰ্মাণ কৰাৰ বাবে চৰকাৰৰ ওচৰত দাবীও জনাই ভুক্তভোগী ৰাইজে ৷ লগতে প্ৰতিবাদী কাৰ্যসূচীত অংশগ্ৰহণ কৰে দৰং জিলা কৃষক মুক্তি সংগ্ৰাম সমিতিৰ সাধাৰণ সম্পাদক খইবৰ মণ্ডল, সাংগঠনিক সম্পাদক ছফিকুল ইছলাম, সংখ্যালঘু জাতীয় পৰিষদৰ দৰং জিলা সমিতিৰ সাধাৰণ সম্পাদক মফিদুল ইছলামে ৷