দৰং, 7 এপ্ৰিল: বৃহস্পতিবাৰে অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত সমগ্ৰ দৰং জিলাৰ ৰঙালী বিহু উদযাপন সমিতি সমূহলৈ অসম চৰকাৰৰ তৰফৰ পৰা এককালিন আৰ্থিক সাহায্য প্ৰদান অনুষ্ঠান অনুষ্ঠিত হয় ৷
জিলা পুথিভঁৰালত অনুষ্ঠিত এই আৰ্থিক সাহায্য প্ৰদান অনুষ্ঠানত জিলাখনৰ 75 খন বিহু সমিতিৰ 5 খন বিহু সমিতিক আনুষ্ঠানিকভাৱে চেক প্ৰদান কৰা হয় ।
এই অনুষ্ঠানত বিধায়ক পৰমানন্দ ৰাজবংশীয়ে কয় যে, বহাগৰ 10 তাৰিখৰ পিছত অনুষ্ঠিত বিহুত অংশগ্ৰহণ নকৰাৰ লগতে কোনো ধৰণৰ সাহায্য প্ৰদান নকৰে বিধায়কগৰাকীয়ে ৷ লগতে দৰং জিলাৰ গৰুখুটিত বিশাল আয়োজনেৰে গৰু বিহু উদযাপন কৰা হ’ব বুলি বিধায়কগৰাকীয়ে কয় ৷
গৰু বিহু দিনাখন গৰুখুটি কৃষি প্ৰকল্পত বিহুৰ লগতে প্ৰদৰ্শিত হ‘ব দৰঙী লোকাচাৰ । সেয়ে জিলা পুথিভঁৰালত বিহু সমিতিক চেক প্ৰদান অনুষ্ঠানত উপস্থিত থাকি সকলো বিহু সমিতিক গৰু বিহুৰ দিনা গাৰুখুটি কৃষি প্ৰকল্পত বিহু উদযাপনৰ বাবে নিমন্ত্ৰণ জনালে বিধায়ক পৰমানন্দ ৰাজবংশীয়ে ।
লগতে পঢ়ক :অন্ধ্ৰপ্ৰদেশৰ মন্ত্ৰীসভাৰ পৰা পদত্যাগ ২৪ কেবিনেট মন্ত্ৰীৰ