ৰ'দ-বৰষুণ নেওচি পৰিয়ালৰ দায়িত্ব বহনত ব্যস্ত এগৰাকী কিশোৰী

মঙলদৈৰ 2 নং কলনীৰ অল্পনা বৰুৱা নামৰ 16 বছৰীয়া এগৰাকী কিশোৰীয়ে আধাতে শিক্ষা জীৱন সামৰি সম্প্ৰতি ন্যস্ত হৈছে আৰ্থিকভাৱে জুৰুলা পৰিয়ালটোৰ দায়িত্ব বহনত ৷

দৰং, 1 জুনঃলক ডাউনে জুৰুলা কৰিছে বহুতৰে জীৱন ৷ দুবেলা দুমুঠি যোগাৰৰ বাবেও বহুতে কৰিবলগীয়া হৈছে হাহাকাৰ ৷ ব্যতিক্ৰম নহয় মঙলদৈৰ 2 নং কলনীৰ এগৰাকী কিশোৰীও ৷ অল্পনা বৰুৱা নামৰ এই কিশোৰী গৰাকীৰ পিতৃ বিশেষভাৱে সক্ষম ৷ মাতৃও আক্ৰান্ত কোনো জটিল ৰোগত ৷ পিতৃয়ে ঠেলা চলাই ঘৰ খন পোহ পাল দিছিল যদিও এক দুৰ্ঘটনাত পতিত হোৱাৰ পিচৰে পৰা ঘৰখন আৰ্থিকভাৱে জুৰুলা হৈ পৰে ৷ যাৰ ফলত ঘৰখনৰ সমস্ত দায়িত্ব সম্প্ৰতি আহি পৰিছে অল্পনাৰ কান্ধত ৷

১৬ বছৰীয়া কিশোৰী গৰাকীয়ে এতিয়া ৰ'দ-বৰযুণকো নেওচি ঘৰে ঘৰে শাক পাচলি বিক্ৰী কৰি যুগুতাইছে দুবেলা দুসাজ ৷ আনহাতে আৰ্থিক অনাতনৰ বাবে অল্পনাই আধাতে সামৰিলে শৈক্ষিক জীৱন ৷ জানিব পৰা মতে,এই দুৰ্ভগীয়া পৰিয়ালটোৱে কিন্তু আজিলৈ পোৱা নাই কোনো ধৰণৰ চৰকাৰী সাহাৰ্য ৷ আনকি থাকিবলৈয়ো নাপালে এটা চৰকাৰী আবাসগৃহ ৷

পৰিয়ালৰ দায়িত্ব বহনত ব্যস্ত এগৰাকী কিশোৰী

লগতে পঢ়কঃচাৰিটা অস্ত্ৰোপচাৰ কৰিও সুস্থ নহ'ল পুত্ৰঃ ৰাইজৰ কৰযোৰে আহ্বান পিতৃৰ