Youth died in Chirang : হাকুৱা নৈত গা ধুবলৈ গৈ মৃত্যুক আঁকোৱালি ল’লে ৰাহুলে

চিৰাঙৰ বিজনীৰ পাণবাৰী ৰাণীঘাটৰ হাকুৱা নৈত গা ধুবলৈ গৈ সন্ধানহীন হৈ পৰে এজন যুৱক ৷ সন্ধানহীন যুৱকজনৰ নাম ৰাহুল মজুমদাৰ (Youth died drowning in Hakua river in Chirang) ৷ পাণবাৰী থানাৰ আৰক্ষী আৰু বিজনীৰ SDRF বাহিনীৰ তৎপৰতাত নিশাই উদ্ধাৰ কৰা হয় ৰাহুলৰ মৃতদেহ ৷

চিৰাং, 28 মাৰ্চ :চিৰাঙৰ বিজনীৰ পাণবাৰী ৰাণীঘাটত অঘটন ৷ সোমবাৰে পাণবাৰী ৰাণীঘাট বনভোজস্থলীৰ হাকুৱা নৈত গা ধুবলৈ গৈ মৃত্যুক আঁকোৱালি লয় এজন যুৱকে । মৃত যুৱকজন সৰভোগৰ ৰাহুল মজুমদাৰ বুলি জানিব পৰা গৈছে (Youth died drowning in river) ৷ নিহত ৰাহুল মজুমদাৰৰ আত্মীয়ই উল্লেখ কৰা অনুসৰি, সোমবাৰে বিয়লি পাঁচ বন্ধুৰ সৈতে ৰাণীঘাটৰ বনভোজস্থলীত ফুৰিবলৈ গৈছিল ৰাহুল মজুমদাৰ ৷ তাৰ পাচতে ৰাণীঘাটৰ হাকুৱা নৈত পাঁচ বন্ধুৰ সৈতে গা ধুবলৈ নামিছিল ৰাহুল । তেতিয়াই হঠাৎ নৈৰ বুকুত সন্ধানহীন হৈ পৰে যুৱকজন ৷

উক্ত ঘটনা সংঘটিত হোৱাৰ পাচতে অঞ্চলটোত সৃষ্টি হয় এক হুলস্থূলীয়া পৰিৱেশৰ ৷ খবৰ দিয়া হয় পাণবাৰী থানাৰ আৰক্ষী আৰু বিজনীৰ SDRF ৰ দলক । পৰৱৰ্তী পৰ্যায়ত ঘটনাস্থলীত আৰক্ষী আৰু SDRF বাহিনীৰ দল উপস্থিত হৈ হাকুৱা নৈৰ পৰা উদ্ধাৰ কৰে ৰাহুল মজুমদাৰ নামৰ যুৱকজনৰ মৃতদেহ (Youth died in Chirang) ৷

ৰাহুলৰ পৰিয়াল আৰু আত্মীয়ই যুৱকজনৰ মৃত্যুক পৰিকল্পিত হত্যাকাণ্ড বুলি সন্দেহ কৰিছে ৷ এগৰাকী আত্মীয়ই কয়, ‘‘মৃত ৰাহুল মজুমদাৰৰ শৰীৰত আঘাতৰ চিন স্পষ্ট হৈ আছে ৷ এয়া কোনো দুৰ্ঘটনা নহয় ৷ পৰিকল্পিতভাৱে সতীৰ্থসকলে হত্যা কৰি পানীত পেলাই দিছে ৰাহুলক ৷ আৰক্ষীয়ে এই ঘটনাৰ উচিত তদন্ত কৰিব লাগে’’ ৷

লগতে তেওঁ কয় যে, ৰাহুলৰ ঘটনাটোৱেই নহয়, ইয়াৰ পূৰ্বেও উক্ত স্থানত গা ধুবলৈ অহা বহুতৰ ক্ষেত্ৰত এনে ঘটনা সংঘটিত হৈছে । বহু লোকৰ মৃত্যুও হৈছে এই স্থানত । বৰ্তমান এই বনভোজস্থলী বন্ধ হৈ থকা সময়ত উক্ত স্থানত কেনেকৈ গা ধুবলৈ আহিব পাৰিলে এই যুৱকৰ দলটো তাক লৈ প্ৰশ্ন উত্থাপন কৰিছে নিহত ৰাহুল মজুমদাৰৰ আত্মীয়ই ।

ইফালে সোমবাৰে নিশাই ঘটনাস্থলীত বিজনীৰ কাৰ্যবাহী দণ্ডাধীশ তথা বিজনীৰ চক্ৰ বিষয়া ইলা বণিয়া উপস্থিত হৈ বুজ লয় সমগ্ৰ পৰিস্থিতিৰ । ঘটনা সংক্ৰান্তত ইতিমধ্যে পাণবাৰী থানাৰ আৰক্ষীয়ে তদন্ত আৰম্ভ কৰিছে । নিশাই আৰক্ষীয়ে মৃতদেহটো পাণবাৰী থানালৈ লৈ আনে আৰু মৰণোত্তৰ পৰীক্ষাৰ বাবে জিলা সদৰ কাজলগাঁৱলৈ প্ৰেৰণৰ কৰে ৷ লগতে ৰাহুলৰ সতীৰ্থ কেইজনক সোধ-পোচ আৰম্ভ কৰিছে আৰক্ষীয়ে ।

লগতে পঢ়ক :Assam APSC scam updates: ৬ বছৰ ৪ মাহৰ অন্তত মুকলি আকাশৰ তললৈ অহাৰ সম্ভাৱনা ৰাকেশ পালৰ