চিৰাং বিজনীৰ 2 নং বিষ্ণুপুৰত বন্যহস্তীৰ আক্ৰমণ, আহত 1

বনৰীয়া হাতীৰ আক্ৰমণত বিজনীৰ 2 নং বিষ্ণুপুৰত গুৰুতৰ ভাৱে আহত এজন । সংকটজনক অৱস্থাত চিকিৎসালয়ত ভৰ্তি ৷

চিৰাং, 18 আগষ্ট:সোমবাৰে নিশা চিৰাঙৰ বিজনীত বন্যহস্তী আৰু মানুহৰ মাজত সংঘৰ্ষ ৷ বন্যহস্তীৰ আক্ৰমণত গুৰুতৰ ভাৱে আহত এজন লোক । জানিব পৰা মতে, বিজনী 2 নং বিষ্ণুপুৰ বজাৰৰ ওচৰত নিশা 9 মান বজাত বনৰীয়া হাতী আৰু মানুহৰ মাজত সৃষ্টি হোৱা সংঘাতৰ ফলত আহত হয় লোকজন ।

বিষ্ণুপুৰ বজাৰৰ পৰা ঘৰলৈ ওভতাৰ সময়ত বনৰীয়া হাতীয়ে বাটত আক্ৰমণ কৰে লোকজনক । মানাহ ৰাষ্ট্ৰীয় উদ্যানৰ পৰা ওলাই অহা বনৰীয়া হাতীৰ আক্ৰমণত গুৰুতৰ ভাৱে আহত হোৱা লোকজন চিকাঝোৰা গাঁওৰ হৰেৰামো বৰ্মন (55) বুলি চিনাক্ত কৰা হৈছে ৷

ইতিমধ্যে আহত লোকজনক উদ্ধাৰ কৰি এচএচবিৰ জোৱান সকলে বিজনী ভেটাগাঁও চিকিৎসালয়ত ভৰ্তি কৰিছে । সংকটজনক অৱস্থাত বৰ্তমানে লোকজন চিকিৎসাধীন হৈ আছে ৷

লগতে চাওক-বন বিভাগে জব্দ কৰিলে চোৰাং কাঠৰ কুণ্ডা ভৰ্তি ট্ৰাক