চিৰাং, 2 ডিচেম্বৰ : মঙলবাৰে চিৰাঙত ইউপিপিএল দলৰ উপ-সভাপতি ৰণগৌৰা নাৰ্জাৰীৰ নেতৃত্বত এখন সংবাদমেল আয়োজন কৰা হয় ৷ বিটিচি নিৰ্বাচনৰ শেহতীয়া পৰিস্থিতি সন্দৰ্ভত আয়োজন কৰা হয় সংবাদমেলখন ৷
ইউপিপিএল দলৰ উপ-সভাপতি ৰণগৌৰা নাৰ্জাৰীৰ মন্তব্য সংবাদমেলত উপ-সভাপতি গৰাকীয়ে অভিযোগ কৰি কয় যে, বিটিআৰ চুক্তিৰ 6.1 আৰু 7.2 দফাক লৈ বিৰোধী দলে ৰাজনীতি কৰিছে ৷ উপৰোক্ত দুয়োটা দফাই বিটিআৰৰ বাহিৰৰ জনজাতীয় লোকৰ বাবেহে প্ৰযোজ্য বুলি উল্লেখ কৰে ৷
ইউপিপিএল দলৰ উপ-সভাপতি ৰণগৌৰা নাৰ্জাৰীৰ মন্তব্য আনহাতে, নিৰ্বাচন প্ৰসংগত নেতা গৰাকীয়ে কয় য়ে, বিটিচি নিৰ্বাচনৰ প্ৰথম পৰ্যায়ত 15 খন আৰু দ্বিতীয় পৰ্যায়ত 16 খন আসন লাভ কৰিব বুলি জনায় নেতা গৰাকীয়ে । ইফালে, হাগ্ৰামা-হিমন্তৰ বাকযুদ্ধ সন্দৰ্ভত সাংবাদিকে সোধা প্ৰশ্নৰ উত্তৰত কয় যে, হাগ্ৰামা-হিমন্তৰ বাকযুদ্ধ সম্পূৰ্ণ নাটক ৷ আনকি, বিটিচিত বিজেপিয়ে ষ্টাৰ কেম্পইনাৰৰ দ্বাৰা প্ৰচাৰ অভিযান চলালেও ইউপিপিএলৰ কোনো ধৰণৰ ক্ষতি নহয় বুলি উল্লেখ কৰে ৷
একেদৰে, পৃথ্বিৰাজ নাৰায়ণ সন্দৰ্ভতো বহুতো গুৰুত্বপূৰ্ণ মন্তব্য আগবঢ়াই উপ-সভাপতি গৰাকীয়ে ৷
লগতে পঢ়ক :উজনি অসমৰ প্ৰথমটো গেছ ইনচুলেটেড উপকেন্দ্ৰ উদ্বোধন মুখ্যমন্ত্ৰী সৰ্বানন্দ সোণোৱালৰ
