চিৰাং, 6 ছেপ্টেম্বৰ : চিৰাঙত আৰক্ষীৰ অভিযানত চুৰি চুপাৰী ভৰ্তি ট্ৰাকসহ দুজন লোকক গ্ৰেপ্তাৰ । চিৰাং জিলাৰ আৰক্ষী অধীক্ষক সুধাকৰ সিঙে এই সন্দৰ্ভত জনায় যে বিশেষ সূত্ৰে পোৱা তথ্যৰ ভিত্তিত ৩১ নং ৰাষ্ট্ৰীয় ঘাইপথৰ বিজনী দহলা পাৰা টোল গেটত আৰক্ষীয়ে অভিযান চলায় দেওবাৰে পুৱা ৫ বজাত চুৰি চুপাৰী কঢ়িয়াই বঙাইগাঁও জিলাৰ মানিক পুৰৰ পৰা অহা এএছ ০১ জেচি ৮১৭১ নম্বৰৰ ট্ৰাকখন জব্দ কৰে ।
ইয়াৰ লগতে ট্ৰাক খনৰ চালক বৰপেটা জিলাৰ কলগাচিয়া বৰদৰগাহ চৰ্চৰীয়াৰ মজিবুল ইচলাম আৰু বৰপেটা কলহভাঙাৰ খালাচি ইমৰান হুছেইনক গ্ৰেপ্তাৰ কৰিছে । গাড়ীখনত নথি বিহীন ৮০ বস্তা চুপাৰী আছিল । এই সমুহ চুপাৰী অবৈধ ভাৱে চুৰি চক্ৰৰ সৈতে মিলি ব্যৱসায় কৰা বুলি আৰক্ষীয়ে সন্দেহ কৰিছে ।