11 বজাৰ শীৰ্ষ বাতৰি...

11 বজাৰ শীৰ্ষ বাতৰি...

আমগুৰিত লোকনিৰ্মাণ বিভাগ(PWD Department)ৰ পথ নিৰ্মাণত ব্যাপক অনিয়ম সংঘটিত হোৱাৰ অভিযোগ উত্থাপন ৷ প্ৰায় 8 কোটি টকা ব্যয়েৰে মেৰামতি কৰি থকা ধোদৰ আলি(Dhodar Ali) পথটোত বখলা-বখলে এৰিবলৈ ধৰিছে ব্লেক টেপিং ৷ আমগুৰি জাঁজী দলঙৰ পৰা চামগুৰিলৈকে নিৰ্মাণৰত পথটোৰ ব্লেক টেপিং এৰি যোৱাত দুৰ্ঘটনা সংঘটিত হোৱাৰো অভিযোগ উঠিছে । ঠিকাদাৰে অতি নিম্নমানেৰে পথ নিৰ্মাণ কৰা পাচতো আমগুৰি লোক নিৰ্মাণ বিভাগৰ কাৰ্যবাহী অভিযন্তাই কোনো ধৰণৰ পদক্ষেপ গ্ৰহণ নকৰাত ক্ষোভিত হৈ পৰিছে সচেতন ৰাইজ ৷

টিংৰাজ ওৰাঙৰ আত্মসমৰ্পণ অসমত মাওবাদীৰ বাবে এক ডাঙৰ বিফলতা বুলি গণ্য কৰা হৈছে । ওৰাঙৰ আত্মসমৰ্পণৰ পাছত সংগঠনটো এক প্ৰকাৰৰ নেতাহীন হৈ পৰিব ৷

বুধবাৰে গোলাঘাটৰ ঘিলাধাৰী আৰক্ষী থানাত সংঘটিত হয় এক চাঞ্চল্যকৰ ঘটনা । নিজে মূৰত গুলিয়াই আত্মহত্যা ASRF জোৱানৰ । ঘিলাধাৰী থানাৰ নিজ বেৰেকত এটা 7.62 mm SLR ৰাইফলেৰে নিজৰ মূৰত গুলিয়াই আত্মহত্যা কৰে এজন ASRF জোৱানজনে । পুৱতি নিশা প্ৰায় ৩ বাজি ৫০ মিনিটত জোৱানজনে সংঘটিত কৰে এই ঘটনা । গুলিৰ শব্দত উচপ খাই উঠে বেৰেকত থকা অন্য জোৱানসকল । পৰৱৰ্তী সময়ত ঘটনাস্থলীত উপস্থিত হয় থানাৰ আন বিষয়ববীয়াসকল ৷ জানিব পৰা মতে, মনোৰঞ্জন সিনহা নামৰ প্ৰায় ৫৭ বছৰীয়া জোৱানজন ২ নং ASRF বেটেলিয়ন ৷ উল্লেখ্য যে, বৰ্তমানলৈকে জোৱানজনৰ আত্মহত্যাৰ কাৰণ জানিব পৰা হোৱা নাই ৷

বিশ্বৰ বজাৰত চাহিদা লাভ কৰিছে মাজুলীৰ ৰঙা বাওধান(Red Bao Rice)য়ে ৷ হায়দৰাবাদৰ এটি কোম্পানীয়ে মাজুলীৰ পৰা এই ৰঙা বাওধানৰ চাউল নি আমেৰিকা যুক্তৰাষ্ট্ৰ, অষ্ট্ৰেলিয়া, বেলজিয়াম আৰু জাপানত বিক্ৰীৰ বাবে সিদ্ধান্ত লৈছে ৷ অধিক জানিবলৈ সবিশেষ পঢ়ক...

১৯৭৪ চনৰ আজিৰ এই দিনটোতে অৰ্থাৎ ২৮ ছেপ্টেম্বৰত বড়ো সাহিত্য সভাৰ ৰোমান লিপিৰ আন্দোলনত প্ৰথমবাৰৰ বাবে বৰপেটাত আৰক্ষীৰ গুলীত দুগৰাকীকৈ বড়ো জনগোষ্ঠীয় লোকৰ মৃত্যু হৈছিল । পৰবৰ্তী সময়ত অসমৰ বিভিন্ন জিলাত বড়ো সাহিত্য সভাৰ এই ৰোমান লিপিৰ আন্দোলনত জপিয়াই পৰি আৰক্ষীৰ গুলীত আৰু ১৪ জনকৈ বড়ো জনগোষ্ঠীয় লোকে নিজৰ জীৱন বলিদান দিছিল নিজৰ ভাষাৰ লিপি আন্দোলনত । ইয়াৰ পিচতে ১৯৭৫ চনৰ পৰা বড়ো সাহিত্য সভাই কেন্দ্ৰীয়ভাৱে ২৮ ছেপ্টেম্বৰৰ দিনটো ছহিদ দিৱস হিচাপে পালন কৰি আহিছে ।

৩০ সদস্যৰে গঠিত উত্তৰ কাছাৰ পাৰ্বত্য স্বায়ত্ব শাসিত পৰিষদ । ইয়াৰে ২৮ গৰাকী আছিল বিজেপিৰ আনহাতে ২ গৰাকী কংগ্ৰেছৰ । কিন্তু মঙলবাৰে বিজেপিলৈ গমন আন এগৰাকী কংগ্ৰেছ সদস্যৰ । লগে লগে তীব্ৰ প্ৰতিক্ৰিয়াৰ সৃষ্টি হৈছে সমগ্ৰ জিলাখনত ।

আজি ‘বিশ্ব হৃদযন্ত্ৰ দিৱস’(World Heart Day) ৷ চলিত বৰ্ষৰ বিশ্ব হৃদযন্ত্ৰ দিৱসৰ মূল বিষয়বস্তু হৈছে ‘Use Heart Connect’ ৷ অৰ্থাৎ, ক’ভিড(Covid) মহামাৰীৰ সময়চোৱাত হৃদযন্ত্ৰৰ প্ৰতিৰোধ আৰু ব্যৱস্থাপনা উন্নত কৰাৰ বাবে সজাগতা বিয়পোৱা আৰু প্ৰযুক্তিগতভাৱে হৃদযন্ত্ৰৰ সজাগতা সন্দৰ্ভত গুৰুত্ব দিয়া ৷

পঞ্জাৱ কংগ্ৰেছৰ ভিতৰচ’ৰাত সমস্যা নতুন নহয় ৷ ইয়াৰ পূৰ্বেও সিদ্ধু আৰু পঞ্জাৱৰ প্ৰাক্তন মুখ্যমন্ত্ৰী কেপ্টেইন অমৰিন্দৰ সিঙৰ মাজত চলি আছিল সংঘৰ্ষ, যাৰ ফলশ্ৰুতিতে পঞ্জাৱৰ মুখ্যমন্ত্ৰী পদৰ পৰা পদত্যাগ কৰিছিল কেপ্টেইন অমৰিন্দৰ সিঙে ৷ কিন্তু শেহতীয়াকৈ পঞ্জাৱৰ ৰাজনীতিত ঘটিল আন এক পট পৰিৱৰ্তন ৷ পঞ্জাৱ কংগ্ৰেছৰ সভাপতি পদৰ পৰা পদত্যাগ নৱজোৎ সিং সিদ্ধুৰ ৷

সূত্ৰ অনুসৰি আফগানিস্তানৰ ভূমিত 2,500 মাৰ্কিন সেনা ৰাখিবলৈ ৰাষ্ট্ৰপতি জ’ বাইডেনক পৰামৰ্শ দিছে মাৰ্কিন সেনাৰ শীৰ্ষ বিষয়াই ৷

দক্ষিণ আমেৰিকাৰ বিশ্বকাপ কোৱালিফায়াৰৰ পৰৱৰ্তী ট্ৰিপল হেডাৰৰ বাবে আৰ্জেণ্টিনাৰ ফুটবল দলক নেতৃত্ব দিব লিঅ'নেল মেছিয়ে । সোমবাৰে আৰ্জেণ্টিনা ফুটবল এছ'চিয়েছনে এই কথা প্ৰকাশ কৰে ।