1 বজাৰ 10টা শীৰ্ষ বাতৰি

1 বজাৰ 10টা শীৰ্ষ বাতৰি

কাছাৰ আৰক্ষীয়ে বৃহস্পতিবাৰে লিবাৰেছন টাইগাৰ্ছ অফ ট্ৰাইবেল সংক্ষেপে LTT ৰ এজন দুৰ্ধৰ্ষ উগ্ৰপন্থীক গ্ৰেপ্তাৰ কৰে (LTT militant arrested) ৷ ধৃত উগ্ৰপন্থী কেডাৰজনৰ নাম ছেমিংথং এলেক্স গেংটে বুলি সদৰী কৰিছে আৰক্ষীয়ে ৷

'বিকাশৰ বাবে এটা পষেক'ৰ লগত সংগতি ৰাখি শনিবাৰে বিশ্বনাথ জিলাৰ দুখন সভাত অংশ ল'ব অসমৰ মুখ্যমন্ত্ৰী ড৹ হিমন্ত বিশ্ব শৰ্মাই । কেইবাটাও আঁচনিৰ শুভাৰম্ভ কৰিব মুখ্যমন্ত্ৰীগৰাকীয়ে (CM public meeting in Biswanath)। বিহালী সমষ্টিৰ বিধায়ক ৰঞ্জিত দত্তই নিজেই অনুষ্ঠানৰ প্ৰস্তুতিৰ বুজ লৈছে ।

ড্ৰাগছৰ বিৰুদ্ধে অসম আৰক্ষীৰ অভিযান অব্যাহত আছে (Assam police raid against drugs)। কাৰ্বি আংলং জিলাৰ অসম নাগালেণ্ড সীমান্ততো অসম আৰক্ষীয়ে নিচাযুক্ত দ্ৰব্যৰ বিৰুদ্ধে অভিযান অব্যাহত ৰাখিছে । এনে অভিযানৰ মাজতে বৃহৎ সফলতা লাভ কৰিবলৈ সক্ষম হ'ল কাৰ্বি আংলং আৰক্ষী ।

ঘোষণা কৰা হ’ল ৰাজ্য চৰকাৰৰ ২০২২ বৰ্ষৰ সাহিত্যিক পেঞ্চন (Literary pension for the year 2022 announced)৷ ৰাজ্যৰ মুঠ ২৩ গৰাকী বিশিষ্ট অসমীয়াক প্ৰদান কৰা হৈছে এই পেঞ্চন (Literary Pension 2022) ৷ এই পেঞ্চনাৰসকলৰ ভিতৰত আছে শোণিতপুৰৰ মনোমতী কুৰ্মীৰ নাম ৷ মনোমতী কুৰ্মী হৈছে চাহ জনগোষ্ঠী সাহিত্য সভাৰ প্ৰাক্তন সভাপতি ৷ ২০২২ বৰ্ষৰ সাহিত্যিক পেঞ্চন গ্ৰহণ কৰা কুৰ্মীৰ সৈতে ইটিভি ভাৰতৰ জ্যেষ্ঠ সাংবাদিক প্ৰণৱ কুমাৰ দাসৰ এক আছুতীয়া সাক্ষাৎকাৰ ।

মাজবাট আৰক্ষীৰ সফলতা ৷ বৃহস্পতিবাৰে বিয়লি মাজবাটৰ চিকাৰিডাঙাত মাজবাট আৰক্ষীয়ে চলোৱা অভিযানত উদ্ধাৰ কৰা হয় এটা AK 56 ৰাইফলসহ ২০ জাই সজীৱ গুলী (Arms Recovered from Mazbat) ৷

‘‘আমি পৰাজয় মানি লৈছোঁ । গণতন্ত্ৰত কোনো বিশেষ জয় বা পৰাজয় স্থায়ী নহয় । আমি ফলাফলসমূহ পৰ্যালোচনা কৰি আমাৰ অভাৱসমূহ দূৰ কৰাৰ বাবে পদক্ষেপ গ্ৰহণ কৰিম । কিন্তু আমি আমাৰ মতাদৰ্শগত যুঁজ এৰিবলৈ যোৱা নাই । আমি যুঁজি যাম ।’’ গুজৰাট নিৰ্বাচনত দলটোৱে শোচনীয়ভাৱে পৰাজয় বৰণ কৰাৰ পিচত এইদৰে কয় কংগ্ৰেছ দলৰ সভাপতি মল্লিকাৰ্জুন খাৰ্গেয়ে (Gujarat election results)৷

লোকসভাৰ সাংসদ বদৰুদ্দিন আজমলক তীব্ৰ কাটক্ষ কৰি মুখ্যমন্ত্ৰী হিমন্ত বিশ্ব শৰ্মাই কয় যে, এ আই ইউ ডি এফৰ মুৰব্বীগৰাকীৰ কথিত পৰামৰ্শ অনুসৰি মহিলাই "২০-২৫টা সন্তান" জন্ম দিব পাৰে ৷ কিন্তু তেওঁলোকৰ ভৱিষ্যতৰ খাদ্য, কাপোৰ-কানি আৰু শিক্ষাৰ সকলো খৰচ ধুবুৰীৰ সাংসদগৰাকীয়ে বহন কৰিব লাগিব (Himanta Biswa Sarma slamms Ajmal) ৷

অপৰাধৰ ৰম্যভূমিলৈ পৰিণত হৈছে নগাঁও চহৰ (Crime in Nagaon) ৷ দিনক-দিনে যেন নগাঁৱত বৃদ্ধি পাবলৈ ধৰিছে অপৰাধমূলক কাৰ্যকলাপ ৷ ড্ৰাগছ, হাত্যাকাণ্ডৰ পাচত এইবাৰ নগাঁৱত চিলনী চোৰে চলাইছে সন্ত্ৰাস ৷ বৃহস্পতিবাৰে নগাঁৱত ফুট-গধূলিতে সংঘটিত হয় এক চুৰিকাৰ্য (Thieves terror in Nagaon)। মমি শইকীয়া নামৰ এগৰাকী মহিলাৰ ডিঙিৰ পৰা চিলনী চোৰে থপিয়াই নিছিল এডাল সোণৰ চেইন (Thieves Stole Jewellery)।

মালাইকাৰ শ্ব’ ‘মুভিং ইন উইথ মালাইকা’ ত মালাইকাই ষ্টেণ্ডআপ কমেডীয়ান হিচাপে ধৰা দিয়ে ৷ কমেডীৰ মাজেৰে মালাইকাই সেইসকল লোকক বাৰুকৈয়ে তুলা ধুনা দিয়ে যিয়ে খোজ-কাটলৰ পৰা আৰম্ভ কৰি তেওঁৰ ব্যক্তিগত জীৱনক লৈ সকলো সময়তে ট্ৰ’ল কৰি থাকে ৷ বয়সতকৈ সৰু অৰ্জুন সৈতে প্ৰেমৰ সম্পৰ্ক ৰাখি অভিনেতাজনৰ জীৱন ধ্বংস কৰা নাই বুলিও মন্তব্য কৰে তেওঁ ৷

ডিব্ৰুগড় জিলাৰ টিংখাঙত অহা ১৬ ডিচেম্বৰত উপস্থিত হ'ব অসমৰ মুখ্যমন্ত্ৰী ড০ হিমন্ত বিশ্ব শৰ্মা । টিংখাঙৰ কুঁৱৰীগাঁও উচ্চ মাধ্যমিক বিদ্যালয়ৰ প্ৰাংগনত এক বিশাল ৰাজহুৱা সভাত অংশ ল'ব মুখ্যমন্ত্ৰীগৰাকীয়ে (Assam CM to attend public meeting in Tingkhang) । যাৰ বাবে ইতিমধ্যে অনুষ্ঠানৰ প্ৰস্তুতি তুংগত উঠিছে ।